Спорт
Марадона: Манчестер јунајтед ако сакаат титули нека ме викнат мене
Аргентинската фудбалска легенда, Диего Марадона, во интервју за магазинот „FourFourTwо“ вели дека ако Манчестер јунајтед сакаат повторно да освојуваат титули, треба да го постават него на клупата.
Марадона во моментов е менаџер на мексиканскиот клуб Дорадос, а претходно беше менаџер во Обединетите Арапски Емирати, но и на клупата на аргентинската репрезентација.
„Ако на Манчестер јунајтед им е потребен тренер, јас сум човекот за тоа. Знам дека продаваат многу дресови низ целиот свет, но ако сакаат да освојуваат трофеи, јас сум тука за нив“, вели Марадона.
Тој признава дека Јунајтед долго време е неговиот омилен клуб.
„Манчестер јунајтед одамна е мојот омилен англиски клуб. Толку големи фудбалери и фантастичен тим под Алекс Фергусон. Но, во моментов посилни се Манчестер сити. Знам дека такви промени не се прифаќаат во Англија, но сега велам Сити поради Кун Агуеро. Во Јунајтед ми се допаѓа Андер Ерера, но Пол Погба едноставно не работи доволно. Играв на ’Олд Трафорд’ во четврт-финалето на Купот на куп победници во 1983/84 и се сеќавам дека имаше голема бучава. Како на ’Ла бомбонера’“, додава Марадона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Новото бразилско чудо има клаузула за откуп од 80 милиони евра
Рајан (19) е несомнено едно од најголемите откритија на бразилскиот фудбал во 2025 година. Овој деветнаесетгодишен напаѓач на Васко да Гама особено блесна во последната сезона, каде што речиси сам му ја донесе на својот клуб титулата во Купот против Коринтијанс.
Неговите извонредни настапи го привлекоа вниманието на европските гиганти како Баерн, а рускиот Зенит веќе испрати конкретна понуда од 31 милион евра. Сепак, во Васко не размислуваат да го продадат за помалку од 50 милиони евра.
Раководството на клубот од Рио де Жанеиро е решено да не ја пушти својата млада ѕвезда за помала сума од наваедената. За да се осигурат од предвремено заминување, само пред неколку дена го продолжија договорот на Рајан до 2028 година и ја зголемија откупната клаузула на 80 милиони евра.
Со овој потег, тие успеаја да ги одбијат сите заинтересирани страни досега. Во Васко се надеваат на рекордна продажба што би обезбедила финансиска стабилност и би ги зголемила амбициите на клубот во 2026 година.
Досега, најскапиот трансфер на клубот во заминување беше оној на Паулињо во Баер Леверкузен за 18,5 милиони евра, додека Андреј Сантос беше продаден на Челзи за 12,5 милиони. Продажбата на Рајан би ги надминала тие износи многу пати.
Рајан имаше прекрасна сезона. Со пет гола, тој беше најдобар стрелец во Купот на Бразил, а во првенството (Brasileirão) постигна 14 гола. Пред него на листата на стрелци беа само докажани играчи како Витор Роке, Де Араскаета и Каи Хорхе, што многу зборува за неговиот настап.
Годината започна одлично за Рајан, го освои Јужноамериканското првенство до 20 години со Бразил, каде што постигна два гола.
Foto/ depositphotos
Спорт
Мареска: Делап и Естевао се подготвени за натпреварот против Астон Вила
Менаџерот на Челзи, Енцо Мареска, изјави дека играчите на неговиот тим, Лиам Делап и Естевао, ќе бидат подготвени за претстојниот натпревар од 18-то коло од Премиер лигата против Астон Вила.
„Естевао се врати и ќе биде достапен за натпреварот во сабота. Исто така и Делап. Двајцата играчи се вратија во тимот“, изјави Мареска на прес-конференција.
Делап го повреди рамото на 6. декември на натпреварот против Борнмут (0:0).
Мареска рече дека Кол Палмер, кој неодамна се врати во тимот откако се мачеше со повреди на препоните и прстите, е подготвен да ги одигра сите 90 минути.
„Мислам дека Кол е подготвен да игра 90 минути. Играше еден час против Евертон, а потоа играше повеќе од 70 минути против Њукасл. Се чувствува добро и мислам дека сега би можел да ги игра сите 90 минути.“
Натпреварот помеѓу Челзи и Астон Вила ќе се игра во сабота во 18:30 часот во Лондон.
„Ќе биде многу тежок натпревар, ќе мора да бидеме во најдобра форма, бидејќи Астон Вила игра многу добро. Тие имаат јасен начин на игра и се многу организирани и со и без топка. Полни се со самодоверба, но ние играме дома и ќе се обидеме да освоиме три бода“, рече Мареска.
Астон Вила е на третото место на табелата во Премиер лигата со 36 бода, додека Челзи е на четвртата позиција со 29.
Foto/ depositphotos
Спорт
Првиот човек од Фенер во притвор, наводно консумирал дрога
Веста на денот во Турција е дека првиот човек на фудбалскиот и кошаркарскиот клуб Фенербахче, познатиот бизнисмен Садетин Саран, е во притвор поради наводна консумација на дрога.
Минатата недела турските власти започнаа голема истрага што е дел од широка операција поврзана со употребата на наркотици меѓу познати личности во оваа земја: уметници, таканаречени „инфлуенсери“, луѓе од деловниот свет…
Голем број луѓе беа приведени, меѓу кои и 61-годишниот Саран, кој го презеде управувањето со истанбулскиот гигант пред само неколку месеци.
Медиумите не наведуваат за каков вид дрога станува збор, но се претпоставува дека Саран користел кокаин.
Овој бизнисмен, кој има турско и американско државјанство, е сопственик на „Саран Холдинг“, компанија основана во 1990 година и поседува брендови од областа на медиумите, издаваштвото, туризмот, како и од секторот за обложување.
„Саран Медиа“ има право на 65% од спортските преноси во Турција, меѓу другите од Премиер лигата, Ла Лига, Серија А.
Саран негираше каква било употреба на дрога.
„Никогаш во животот не сум ја земал супстанцата за која наводно сум позитивен на тестот. Не само што никогаш не сум ја користел, туку никогаш не сум ја видел во животот.“
Овие обвинувања се дел од кампањата што се води против мене, со цел уништување на институциите што ги претставувам“, рече тој во изјава објавена на социјалните мрежи.

