Спорт
Маратон во Муџело – судири, излетувања, рестарти… И пак Хамилтон е прв!
Луис Хамилтон стигна до својата 90-та победа во кариерата, доближувајќи се на само една од рекордот на Михаел Шумахер, на маратонската трка во Муџело, каде што овој викенд се возеше првата трка од Големата награда на Тоскана, одбележана со спектакуларни судири, два рестарти и само 12 болиди на целта.
Хамилтон го доби вториот рестарт во финишот на трката, за да победи пред својот клупски колега Валтери Ботас, додека последното место на подиумот го освои толку критикуваниот Александер Албон во Ред бул рејсинг. Ова е првиот подиум во кариерата на Англичанецот со тајландско потекло Албон, со што се намалува притисокот по слабиот старт на сезоната.
Даниел Рикардо во Рено беше четврт пред Серхио Перез (Рејсинг поинт), Лендо Норис (Мекларен), Данил Квјат (Алфа Таури), Кими Раиконен (Алфа Ромео) и двата болиди на Ферари во нивниот јубилеен 1.000 Формула 1 старт, Шарл Леклер и Себастијан Фетел во уште една разочарувачка трка за нив. Раиконен доби казна од 5 секунди, по што Леклер скокна на осмото место, Раиконен падна на 9. место.
Хаосот започна уште во првиот круг, кога од патеката излетаа Макс Ферстапен и Пјер Гасли, а на патеката излезе и безбедносното возило. При влегувањето во боксот на возилото, се случи уште поголем хаос, кога четири болиди во средината имаа опасен судир, и трката беше стопирана. По рестартот, Ботас успеа да го преземе првото место од Хамилтон. Во финишот на трката, на болидот на третопласираниот Ленс Строл во Рејсинг поинт му „пукна“ гума и по неговото излетување, повторно имаше рестарт, кој овојпат го доби Хамилтон и лесно стигна до победата.
Хаос и црвено знаме во Муџело! Екстремно опасен судир по рестартот!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.