Американската доминација во женската гимнастика заврши денеска со поразот од Русија во драматичното тимско финале, но проблемите за САД се поголеми, откако се откри дека нивната прва ѕвезда Симон Бајлс се повлекла поради „ментални причини“ и можно е да не настапи повеќе на Олимпијадата.

Се очекуваше дека 24-годишната Бајлс ќе ги предводи САД до ново злато, но таа направи некарактеристична грешка при прескокот, по што беше повлечена од натпреварувањето.

„Океј сум. Само што се справувам со некои работи внатрешно кои мора да ги решам следните неколку дена. Дали сум подготвена за повеќебојот во четврток? Мислам да“, изјави Бајлс по финалето.

Но, Американската гимнастичка федерација објави дека се работи за „неодреден медицински проблем“ и дека Бајлс ќе биде надгледувана пред индивидуалните финалиња.

Оваа драма ја искористи рускиот квартет Ангелина Мелникова, Владислава Уразова, Викторија Листунова и Лилија Ахајмова за да освои злато по двете сребра на последните две Олимпијади, и прво по распадот на Советскиот Сојуз. Русија, настапувајќи под името Руски олимписки комитет (ROC) поради санкциите за Светската анти-допинг агенција (ВАДА) претходно во понеделникот го освои и златото во машка конкуренција, прво од Атланта во 1996 година.

Ерлинг Халанд одговори на бројните шпекулации кои го поврзуваат со супер-богат трансфер во Челси од 175 милиони евра, откако Норвежанецот призна дека тоа се „многу пари“.

Младиот ас на Борусија Дортмунд останува еден од најпосакуваните таленти во светскиот фудбал, откако постигна 57 гола во 59 настапи за германскиот клуб, и шпекулациите велат дека Томас Тухел и Челси се први по неговиот потпис и покрај интересот на двата клуба од Манчестер. Халанд вели дека не се сретнал со својот агент Мино Рајола и дека се работи за обични шпекулации.

„Не сум зборувал со мојот агент цел месец, и мислам дека тоа е доволен разговор. Мислам дека се работи за обична шпекулација и дека тоа се многу пари за еден фудбалер. Прво имам уште три години од договорот и уживам тука“, изјави Халанд.

Дортмунд веќе го одобрија трансферот од 73 милиони фунти на Џејдон Санчо во Манчестер јунајтед, и се верува дека не се подготвени да го пуштат и 21-годишниот Халанд ова лето, иако сумата од 175 милиони евра секако е примамлива.

Женската репрезентација на Русија во гимнастика го освои златниот медал на Олимписките игри во Токио. Русинките победија пред САД и Велика Британија.

Русија во состав: Ахимова, Листунова, Мелиникова и Уразова освои 169.528 поени. Американките, без најдобрата гимнастичарка во историјата, Симон Бајлс, стигнаа само до сребрениот медал со 166.096 поени.

Бајлс се повреди на загревањето, а се повлече по првата ротација.

Зад Британските завршија Италијанките, Јапонките, Французинките, Кинеските и Белгијките.