Мауро Икарди, фудбалерот на ПСЖ минатата недела воопшто не тренираше со соиграчите откако „пукна“ аферата дека ја изневерил сопругата и менаџер, Ванда Нара.

Медиумите во Франција пишуваат дека Лионел Меси веднаш штом дошол во Париз станал главен авторитет во соблекувалната на „Светците“, а тој е иритиран од случувањата поврзани со сонародникот.

Шпански „Ел Национал“ пишува дека Меси влегов во кавга со Икарди, па тој од Управата побарал веднаш да го продадат напаѓачот. Информациите од шпанските медиуми се дека ПСЖ се подготвени Икарди да го пуштат во Барселона, но во Париз да дојде пријателот на Лео – Серхио Агуеро.

Агуеро летово по долгиот престој во Манчестер Сити се пресели на „Ноу Камп“, а една од главните причини за тоа беше пријателството со Меси. Сепак, иконата на Барса изненадувачки го напушти Каталонскиот клуб, а потоа следуваше и повредата на Агуеро.

Меси, се чини, по секоја цена сака да заигра во ист тим со пријателот.

Во првите два саботни натпревари од 10. коло во шпанската Ла Лига домашните тимови немаа голема причина за задоволство.

Предмалку Кадиз на домашен терен беше поразен од тимот на Алавес во дербито на дното, со 2-0.

Стрелец на двата гола за освојување на трите бода за гостите беше Жоселу во 6-тата минута од пенал и во 91. минута за ставање точка на триумфот на својот тим.

Претходно, Мајорка беше речиси со трите бода „в џеб“ откако до 93 минута имаа предност од 2-0 со голот на Анхел во 32 минута и автоголот на Диакаби во 38 минута.

Сепак, најпрво во 93 минута Гуедеш намали на 2-1, а голем бод за „лилјаците“ спаси Гаја во 98 минута.

И двата тима по денешното коло остануваат во средината на табелата.

Ниту еден од четирите попладневни дуели од редовниот термин во Премиерлигата не завршија со триумф на домашна екипа, три нерешени и еден гостински триумф.

Фаворитот Евертон предводен од Рафа Бенитез на „Гудисон парк“ беше непријатно изненаден од екипата на Ватфорд, 2-5.
Иако Дејвис уште во третата минута донесе предноста за „карамелите“, веќе во 13 минута Кинг носи израмнување, 1-1.
Евертон преку Бразилецот Ришарлисон во 63. минута повторно доаѓа во водство, 2-1.

Сепак, гостите најпрво во 78 минута со голот на Куцка носат егал позиција, 2-2, а само две минути подоцна и комплетен пресврт. Творец на погодокот на 3-2 беше повторно Џошуа Кинг.

Хет-трик сред Ливерпул за Кинг во 86 минута, резултат 2-4, додека точка на натпреварот и конечни 2-5 постави Денис во 92 минута.

Малку недостасуваше неуспех на свој терен да доживеат и избраниците на Марсело Биелса. Екипата на Лидс беше надиграна и губеше со 1-0 од составот на Вулверхемптон се до 92 минута.

Единствениот гол за „волците“ беше дело на Хи-Чан уште во 10-тата минута, а бод за домашните спаси Родриго, од пенал.

Екипата на Кристал Палас одигра 1-1 со тимот на Њукасл. Иако домашните постигнаа и втор гол во самиот финиш од мечот, истиот беше поништен поради прекршок.

Претходно домашните со голот на Бентеке во 56 минута поведоа со 1-0, додека израмнувањето дојде преку Вилсон во 65 минута.

Со поделба на пленот заврши и дуелот Саутемптон – Барнли, 2-2.

Гостите поведоа преку Корнет во 13 минута, а во првиот дел израмни Ливраменто, во 41 минута.

Броја ги донесе домашните во предност од 2-1, во 50 минута. Бод за гостите спаси стрелецот и на првиот гол, Корнет, во 57 минута.