Спорт
„Марка“: Крај на „шпанската серија“, Барселона ќе го регистрира Олмо

„Сапуницата околу Дани Олмо заврши. Барселона успеа. Шпанскиот репрезентативец ќе биде успешно регистриран за продолжението на сезоната во Ла Лига. Џоан Лапорта успеа да продаде ВИП ложите на „Камп Ноу“ за 100 милиони евра и со тоа ќе ја убеди Ла Лига да му дозволи во понеделник ги регистрира Олмо и Пау Виктор“, објави „Марка“.
Во следните 20 години, најелитните места на стадионот наводно ќе ги поседува катарска компанија, а за тоа ќе платат 100 милиони евра.
Каталонски „Спорт„, тврди дека Барселона сакала да ја одложи зделката до наредното лето и на неа да заработи 200 милиони евра, но поради неможноста да го регистрираат Олмо решиле да го забрзаат процесот и да прифатат помала сума.
Претседателот Лапорта ја испрати целата документација до Ла Лига и се надева дека првиот човек на лигата Хавиер Тебас навреме ќе ја одобри.
Да потсетиме, Олмо во август пристигна во Барселона од Лајпциг за 55 милиони евра, со што се врати во клубот каде што беше капитен во младинските категории, пред да се пресели во Динамо Загреб, а потоа во Лајпциг..
Барселона првично успеа да го регистрира Олмо за првиот дел од сезоната користејќи го фактот дека Андреас Кристенсен се повреди, но Данецот се враќа во тимот, па мора да се регулира договорната ситуација на Олмо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
КОНМЕБОЛ жестоко ги казни Индепендиенте и Унивесидад де Чиле

Аргентинскиот клуб Индепендиенте е дисквалификуван од Купот Судамерикана, по насилните инциденѕи меѓу навивачите за време на натпреварот против Универсидад де Чиле пред две недели во близина на Буенос Аирес, објави во четврток Јужноамериканската фудбалска конфедерација (КОНМЕБОЛ).
19 лица беа повредени во тепчките меѓу навивачите на Индепендиенте и Универсидад де Чиле, во кои беа употребени палки и пиротехника.
Аргентинскиот клуб, исто така, ќе мора да ги игра следните 14 натпревари на турнирите на КОНМЕБОЛ без свои навивачи и да плати казна од 250.000 долари, одлучи Јужноамериканската фудбалска конфедерација.
Управното тело, исто така, му изрече казна на чилеанскиот клуб, кој мора да плати 270.000 долари, а двата тима ќе играат седум домашни натпревари пред празни трибини и седум гостувања без свои навивачи.
Универсидад де Чиле се пласира во четвртфиналето, каде што ќе се соочи со Алијанц Лима од Перу.
Одлуката дојде откако официјалните лица го прекинаа натпреварот на 20 август на „Естадио Либертадорес де Америка“ во Буенос Аирес поради недостаток на обезбедување по инцидентите што резултираа со сериозни повреди и повеќекратни апсења.
За време на натпреварот, чилеанските навивачи фрлаа предмети кон локалните навивачи, кои одговорија со влегување во гостинскиот сектор за да ги претепаат.
Во моментот на паузата, тимовите беа изедначени 1:1, што му одеше во корист на чилеанскиот тим, кој го доби првиот натпревар со 1:0.
Фото/ Принтскрин
Спорт
Нагелсман: Можеби треба да повикам играчи со послаб квалитет

Германската фудбалска репрезентација загуби со 2:0 од Словачка во Братислава во натпреварот од првото коло од квалификациите во Групата А за Светското првенство во 2026 година.
Домашниот тим поведе со голот на Давид Ханцко во 42-та минута, а потоа асистентото за првиот гол, Давид Стрелец во 55-та минута го постигна вториот гол.
Селекторот на Германија, Јулијан Нагелсман не го криеше своето разочарување, ги критикуваше своите избраници.
„Бевеме без двајца-тројца повредени, но ова се најдобрите играчи што ги имаме во Германија. Можеби следниот пат треба да поканиме играчи со послаб квалитет кои ќе дадат се од себе на теренот“, луто го коментираше поразот младиот стручњак.
Foto/ EPA
Спорт
Меси не е сигурен дека ќе игра на Светското првенство

Лионел Меси даде изјава што изненади многумина по победата против Венецуела (3:0), во претпоследното коло од јужноамериканските квалификации за пласман на Светското првенство..
Дуелот со Венецуела беше последен за Меси во дресот на Аргентина пред домашната публика, а по натпреварот, ја загрижи домашната јавност.
Имено, Меси сè уште не е сигурен дали ќе настапи на претстојното Светско првенство.
„Со години ја имав наклонетоста на Барселона, а мојот сон беше да го имам тоа и овде, во мојата земја, со мојот народ. Ќе ги паметам добрите работи. Мислам дека нема да играм, поради моите години – најлогично е дека нема да бидам на Светското првенство. Ќе се водам според тоа како се чувствувам. Се обидувам да бидам искрен со себе. Не сум донел одлука, но ќе размислам внимателно“, рече Меси по натпреварот.
Foto/ EPA