Спорт
„Марка“: Мбапе потпиша за Реал
Килијан Мбапе потпиша за Реал пред две недели, открива „Марка’, што значи дека францускиот напаѓач од 1 јули ќе стане играч на „кралскиот клуб“.
Мбапе, во Реал ќе пристигне во Реал како слободен играч откако ќе му истече договорот со ПСЖ.
Францускиот шампион се обиде да го задржи, постојано му испраќаше нови понуди, а потоа 25-годишниот Мбапе донесе одлука и потпиша за Реал, откако претходно го извести ПСЖ дека нема да потпише нов договор.
„Марка“, открива дека Мбапе потпишал петгодишен договор со Рал. Наводно, Мбапе нема да ја има најголемата плата во клубот. По сезона тој ќе заработува меѓу 20 и 25 милиони евра. За споредба неговата плата во ПСЖ, за тековната сезона, изнесува 72 милиони евра.
Сепак, Мбапе ќе заработи многу од бонусите, маркетиншки права и бонусот за потпис на договорот. Наводно Реал за потписто ќе му плати 130 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Не ми веруваа кој сум !?
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва
Спорт
Најгледаната екипа во Евролигата
Кошаркарите на Партизан повторно се најдоа меѓу најгледаните екипи во Евролигата.
Црно- белите се на врвот по овој параметар, иако во оваа сезона тимот на Жељко Обрадовиќ немаше одлична сезона, тие беа меѓу најпопуларните екипи, ако не и најпопуларна.
Во однос на другите параметри, тие беа на врвот по гледаност, со оглед на бројот на навивачи и бројот на продадени влезници.
Кошаркарскиот клуб повторно покажа дека е една од најпопуларните екипи во најквалитетното натпреварување во Европа.
Останува да видиме каква ќе биде ситуацијата следната сезона, поточно дали трендот на вакви бројки ќе продолжи да расте.