Спорт
„Марка“: Најскапото промашување на Реал добива нереална понуда!

Белгискиот репрезентативец Еден Азар во летото 2019 година стана најскапиот играч во иисторијата што потпишал за Реал Мадрид. Тој за 115 милиони евра од Челси се пресели кај „кралевите“. Толкава сума издвоија за него сметајќи дека тој е наследникот на Кристијано Роналдо.
Две и пол години подоцна неговата вредност е шестпати помала. Не игра поради многуте повреди, во лоша форма е и има вишок килограми.
По доаѓањето на „Бернабеу“, одигра само 54 натпревари
Не е тајна дека кралскиот клуб сака да се откачи Белгиецот, пред сѐ, поради големата плата, но тешко е да се најде купувач за играч со толку високи примања, а кој за еден месец полни 31 година.
Шпанска „Марка“ пишува дека за белгискиот ас доаѓа нереална понуда, и тоа од клуб од неговата татковина – Вестерло, лидер на тамошната втора лига.
Сопственикот на клубот, извесен турски бизнисмен Октај Ерчан, вложува големи средства за клубот да влезе во првата лига, а претседателот на клубот изјави:
„Можам да речам дека Еден и јас сме пријатели. Кога играше за Лил, ми вети дека еден ќе заигра за Фенербахче. Вестерло се чини дека е потешко да го привлече Еден, но зошто овде да не ја заврши кариерата“.
Сепак, најверојатно, нема да ја заврши во Реал, барем според она што го вели актуелниот кормилар на клубот – Карло Анчелоти.
„Проблемот за Азар е што има тренер кој фаворизира други играчи“, вели Италијанецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив пораз на Тиквеш кај Бешикташ, пред елиминација е од ЕХФ Европскиот куп

Ракометарите на Тиквеш доживеаја убедлив пораз на гостувањето кај турскиот шампион Бешикташ со 31–20 во првиот натпревар од второто коло во ЕХФ Европскиот куп, со што речиси ги загубија шансите за пласман понатаму.
Кавадарчани отворија добро и поведоа со 2–1 по само три минути игра, но потоа целосно застанаа. До крајот на полувремето успеаја да постигнат само уште еден погодок. Хрватскиот голман Матеј Ашанин блескаше на голот на Бешикташ и покажа зошто своевремено Лино Червар го сметаше за еден од најперспективните млади голмани.
Ниту еден удар на Тиквеш не можеше да мине покрај Ашанин, кој имаше дури 70% успешност во првото полувреме. Во меѓувреме, домашните ракометари лесно ја полнеа мрежата на гостите и на паузата имаа водство од 16–3.
Во вториот дел Бешикташ рутински ја контролираше играта и само ја зголемуваше предноста. Тиквеш успеа малку да го поправи впечатокот, но разликата не падна под десет погодоци.
Со овој резултат, реваншот следната сабота во Кавадарци ќе биде само формалност, а македонскиот претставник ќе може да се фокусира на настапите во Супер машката лига.
Најдобри стрелци кај Бешикташ беа Ханиоглу со осум и Бабачан со пет погодоци, додека Ашанин запиша 12 одбрани. Кај Тиквеш се истакнаа Коцев со пет и Христоски со четири гола.
Спорт
Србија – Албанија: Натпревар со висок ризик и големо значење во квалификациите

Дуелот меѓу Србија и Албанија во Лесковац е најважниот натпревар во Групата К за второто место во квалификациите за Светското првенство. Србија ќе се обиде да ја потврди доминацијата и да обезбеди директен пат во баражот, додека Албанија мора да триумфира за да остане во игра.
Натпреварот е прогласен за со висок безбедносен ризик, а билетите не се во продажба. Албанските навивачи нема да можат да присуствуваат, а Србија веќе има намален капацитет на стадионот по претходни инциденти.
Судискиот тим е од Романија, со четврти судија и VAR поддршка. Натпреварот се очекува да биде напнат и тактички, со многу емоции и голема мотивација на двете страни.
Квалификации за Светското првенство – сабота:
Србија – Албанија 20:45, Латвија – Андора 15:00, Унгарија – Ерменија 18:00, Норвешка – Израел 18:00, Бугарија – Турција 20:45, Естонија – Италија 20:45, Португалија – Република Ирска 20:45, Шпанија – Грузија 20:45
Спорт
Што и треба на Македонија за пласман на Светскто фудбалско првенство

Македонската фудбалска репрезентација одигра херојски во Гент и ремизираше против Белгија (0-0), задржувајќи го првото место во квалификациската група Ј. „Црвено-жолтите“ одиграа организирано и борбено, посебно во одбраната, и го спречија фаворитот да постигне гол.
По шест кола, Македонија има 12 бодови – еден повеќе од Белгија и два пред Велс, кои имаат натпревар помалку. Клучниот дуел за расплетот ќе биде меѓусебниот меч на Велс. Победа на Велс би бил најповолен исход за Македонија, која потоа со победи против Казахстан и Велс би обезбедила директен пласман на Мундијалот.
Следен натпревар: Македонија – Казахстан во Скопје (20:45 ч.), а потоа големото гостување во Велс на 18 ноември.