Спорт
„Марка“: Во Реал е вклучен алармот

Реал Мадрид вчера беше поразен од Лил (0:1) во натпревар кој „Марка“ го опишува како можеби најлош за „карлскиот клуб“ во последните три години. Првиот човек на клубот, Флорентино Перез, не се симна по неа во соблекувалната на тимот, како што тоа обично го прави по секој натпревар, бидејќи не беше во Франција, но неговата порака беше пренесена.
Наместо него, во друштво на некои други челници беше директорот на клубот, Хозе Анхел Санчез.
„Марка“, пишува дека челниците на Реал „зрачеле со смиреност и самодоверба“, но и дека „почнува да се чувствува загриженост поради доказите дека тимот не функционира“.
„Го допревме дното“, е реченицата која „Марка“ тврди дека се слушнала во соблекувалната на Реал по натпреварот. Се нагласува и дека тренерот на тимот Карло Анчелоти се обидел да го разбуди својот тим, но дека не наишол на позитивна реакција.
„Нешто не е во ред“, продолжува „Марка“, која истакнува дека играчите на Лил истрчале 117,9 километри, седум километри повеќе од играчите на Реал. Покрај разликата, загрижува и квалитетот на трчањето на кое му недостасуваше интензитетот што го бара модерниот фудбал.
„Алармот е вклучен и време е да се реагира. Веќе не се прашање резултатите, во прашање е имиџот на клубот“, се заклучува во текстот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Центарот на Макаби се сели во НБА?

Кошаркарот на Макаби Тел Авив, Роман Соркин, би можел да ја продолжи кариерата во НБА откако неколку тима покажаа интерес за него.
Соркин импресионираше на Евробаскетот за Израел, со просек од 16,5 поени и 6 скока по натпревар.
Израел го заврши учеството во осминафиналето, со поразот од Грција. Интерес за Соркин покажале Мајами Хит, Њујорк Никс и Портланд Треил Блејзерс, тврди новинарот Иан Бегли.
Инаку, Соркин се пријави на драфтото во 2018 година, но не беше избран.
Минатата сезона, играјќи за Макаби Тел Авив во Евролигата, тој имаше просек од 12,9 поени и 4,1 скока по натпревар, шутирајќи 50,9 проценти од поле.
Спорт
Куртоа си купи ноќен клуб

Тибо Куртоа одлучи да развие бизнис надвор од фудбалскиот терен.
Според белгиските медиуми, искусниот голман одлучил да го купи ноќниот клуб „Версуз“ во Хаселт, на северот од Белгија.
Беше затворен минатиот мај, но сега Куртоа сака да му вдахне нов живот.
Планот е целосно да се реновира, за гостите да имаат максимална атмосфера во форма на удобност, музика…
Капацитетот треба да биде околу 4 илјади луѓе.
Спорт
Проблем за Гвардиола – Мармуш се повреди играјќи за Египет

Лоши вести пристигнаа на „Етихад“ од Африка бидејќи Омар Мармуш ги повреди лигаментите на коленото.
Сериозноста на повредата на египетскиот напаѓач ќе ја утврдат специјалистите во Каиро, а потоа и лекарите и специјалистите од Манчестер Сити на прегледот кога ќе се врати во Англија.
Во четвртата минута од дуелот против Буркина Фасо, Мармуш доби силен удар во коленото. По помошта, тој остана на теренот уште неколку минути и побара измена.
Како што стојат работите сега, Мармуш ќе го пропушти градското дерби против Манчестер Јунајтед во недела.
Foto/ „X“