Спорт
„Марка“ за Белингем: Тој е кражбата на векот
Џад Белингем досега одигра 13 натпревари во дресот на Реал Мадрид, а мадридскиот тим оствари учинок од 11 победи, едно реми и еден пораз. Она што го направи Белингам во тие 13 натпревари никогаш не престанува да го фасцинира светот. Англискиот врзен играч блеска во средниот ред на мадридскиот гигант, за кого веќе има постигнато 13 гола и три асистенции.
Тренерот на тимот Карло Анчелоти е воодушевен од него, навивачите се пресреќни поради новата ѕвезда на тимот, а шпанските медиуми се натпреваруваат кој ќе му даде поголем комплимент. Токму тоа го направи „Марка“ во текстот објавен во саботата наутро.
Тој е наречен „кражбата на векот од Премиер лигата“ и „добитниот билет што го маѓепса фудбалскиот свет“ и се потсетува на неговите почетоци во второлигашот Бирмингем за кого дебитираше како 16-годишник. Тоа беше на натпревар од ЕФЛ Купот во август 2019 година, кога на возраст од 16 години и 38 дена, тој одигра 80 минути во поразот од 0:3, а „Бирмингем мејл“ го прогласи за играч на натпреварот.
„Марка“ потсетува на извештајот за скаути на почетокот на кариерата на Белингем во кој се вели дека тој е „неверојатна перспектива која треба да биде потпишана и развиена“. Во извештајот се наведува и дека за година и пол ќе може да игра за клуб од Премиер лигата.
Патот го однесе Белингем во Германија, каде што потпиша за Борусија Дортмунд во 2020 година. Точно 132 натпревари, 24 гола и 25 асистенции подоцна, на 1 јули годинава беше потврдено дека се сели во Реал во трансфер вреден 103 милиони евра фиксно, со евентуално додавање од 30 милиони евра преку бонуси. „Тоа беше добитниот тикет што Реал го украде од Премиер лигата. Тоа беше кражба на векот“, се заклучува.
Реал не понуди најмногу. Иако понудата на клубот до Белингем беше неверојатна, таа беше помала од она што ја ставија пред него Манчестер Сити, Ливерпул и Манчестер Јунајтед. Белингем го прифати шестгодишниот договор на Реал, кој заработува околу 11 милиони евра годишно, што не е највисоката плата во тимот на Реал.
„Не му се поважни парите, да беа би прифатил понуда од некој од англиските клубови“, пишува „Марка“, потсетувајќи на зборовите на легендата на Реал, Хорхе Валдано дека „Реал не плаќа во пари, туку во слава“ и изјавата на Белингем дека „доаѓа во најголемиот светски клуб каде што ќе може да учи од најдобрите“.
Клубовите од Премиер лигата ќе ја чекаат долго време шансата да се обидат да го убедат да го напушти Мадрид“, се заклучува во текстот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хрватска со победа ја отвори главната фаза на ЕП
Хрватските ракометари ја отворија главната фаза на Европското првенство со победа над Исланд – 30:29 (19:15).
Избраниците на Дагур Сигурдсон водеа од самиот почеток на натпреварот и успешно ги одбиваа нападите на Скандинавците во текот на целиот натпревар. Првото полувреме го затворија со серија од 3:0 и стигнаа до најголеми плус четири.
Омар Магнусон реши да ги земе работите во свои раце и со пет гола во второто полувреме успеа да ја намали предноста на Хрватите на само еден гол разлика.
Тоа не ги поколеба трикратните сребрени медалисти од првенствата на Стариот континент, кои повторно избегаа на безбедно растојание и обезбедија многу важен триумф.
На крајот сепак им дозволија на Исланѓаните да постигнат два брзи гола, што на крајот може скапо да ги чини доколку се формира круг со три или повеќе репрезентации со ист број на бодови, кога ќе се гледа гол-разликата.
Матео Мараш и Звонимир Срна ја предводеа Хрватска. Првиот постигна седум, вториот шест гола. Одличен беше и голманот Кузмановиќ, кој одбрани три седмерци.
Од друга страна, се истакнаа Магнусон и Один Рикардсон, кои броеја до осум.
Хрватите ќе се сретнат со Швајцарија, Словенија и Унгарија до крајот на Главната рунда.
Доколку се најдат меѓу првите две нации во групата, ќе обезбедат место во полуфиналето.
Foto/ EPA
Спорт
Ејбрахам се враќа во Астон Вила
Тами Ејбрахам е на пат да се врати во англискиот фудбал по четири и пол години. Ејбрахам е на прагот да се врати во Астон Вила, за која постигна 26 гола во Чемпионшип во сезоната 2018/19.
Како што објави „ТРТ Спор“, а потврди и Фабрицио Романо, Бешикташ и Астон Вила постигнале договор. Вила ќе плати 21 милион евра и во Истанбул ќе го испрати Јашин Озџан, како дел од трансферот.
Ејбрахам пристигна од Рома во црно-белиот тим од Босфор ова лето, а во последно време не игра во добра форма.
Екипата на Унаи Емери беше без Дониел Мулен кон средината на јануари, кој замина на позајмица во Рома, па Абрахам пристигнува како врвна замена во се попредизвикувачкиот дел од сезоната.
Искусниот англиски голгетер ќе биде замена за Оли Воткинс, кој е единствениот вистински напаѓач во Вила во тековната кампања.
Foto/ depositphotos
Спорт
Тотенхем се сериозно заинтересирани за Енди Робертсон
Британските медиуми тврдат дека капитенот на шкотската репрезентација Енди Робертсон, долгогодишен лев бек на Ливерпул, би можел да стане нов играч на Тотенхем. Робертосон, 10 од 12-те сезони во Премиер лигата, одигра во дресот на Ливерпул.
Робертсон дојде од Данди Јунајтед во Англија, поточно во Хал, во 2014 година и со „тигрите“ испадна во Чемпионшип, но се врати во елитните редови на англискиот фудбал веќе следната сезона.
Во Ливерпул пристигна во 2017 година, каде што брзо се етаблираше на левата страна од стартната постава, а работите се променија со заминувањето на германскиот стручњак Јирген Клоп и доаѓањето на холандскиот тренер Арне Слот.
Робертсон одигра само 13 натпревари во Премиер лигата минатата сезона, а на почетокот на оваа Слот донесе уште еден лев бек, Милош Керкез.
Наводно, Тотенхем испратил понуда до 31-годишникот. Сепак Би-Би-Си пишува дека Ливерпул нема потреба од лев бек откако во меѓувреме го донесе 19-годишниот Бразилец Соуза.
Сепак, тие истакнуваат дека Бразилецот е премногу млад и дека поради тоа менаџерот Томас Франк бара искусен фудбалер на таа позиција.
Договорот на Робертсон истекува ова лето, а тој неодамна изјави дека не знае, односно сè уште не одлучил, што му носи иднината.
Foto/ EPA
По денешните протести, Синдикатот на „Македонска пошта“: Надминати се сите проблеми, декемвриската плата е исплатена
Незадоволството на вработените во Македонска Пошта денеска прерасна во организиран протест низ целата држава, а причина за ваквата реакција и...
(Видео) Се појавија првите снимки од денешната средба: разговорите меѓу САД, Украина и Русија во Абу Даби ќе продолжат утре
Трилатералните разговори меѓу САД, Украина и Русија, што се одржаа денес во Абу Даби, беа оценети како продуктивни и ќе...
(Видео) Зеленски: Разговорот веќе се одржа, долго време немало ваков трилатерален состанок
Украинскиот претседател Володимир Зеленски во своето видео обраќање извести за клучните дипломатски напори, ситуацијата на фронтот, енергетската криза и мерките...
Тошковски: СДСМ и ДУИ се длабоко заглавени во сопственото политичко мочуриште, во кое партиските калкулации се ставаат над човечките животи
Министерот за внатрешни работи, Панче Тошковски, преку свој статус на фејсбук се огласи по повод денешното изгласување на Законот за...
Со фалсисифкување документи го оштетил РЕК Битола за речиси 90.000 евра: кривична против управител на приватна фирма од Новаци
СВР Битола, до Основното јавно обвинителство Битола, поднесе кривична пријава против 46-годишниот М.Т. од Битола поради постоење основи на сомнение...
Најавен прекин на товарниот сообраќај на граничните премини од понеделник: МВР ќе обезбеди непречен сообраќај за патничките возила и автобусите
Министерството за внатрешни работи – Оддел за гранични работи и миграција известува дека до Министерството за внатрешни работи е доставена...
(Видео) Левица за „Безбеден град“: Глобите да се пресметуваат според примањата
На денешната седница на Собранието, координаторот на пратеничката група на Левица, Борислав Крмов, најави дека во Законот за прекршоци, преку...
Фатон Сељами избран за нов Народен правобранител
Со поддршка од 89 пратеници, Собранието денеска во рамки на 65. седница го избра Фатон Сељами од Тетово за нов...
(Видео) Тренчевска: ВМРО-ЗНАМ ги одби сите амандмани на кривичниот законик, меѓу кои и членот за злоупотреба на службената положба
На денешната комисиска расправа, владејачката коалиција ВМРО-ЗНАМ ги одби сите амандмани на СДСМ за измените на Кривичниот законик, соопшти потпретседателката...
Системот „Безбеден град“ стартува од 1 февруари – Собранието ги усвои законските измени
Со 81 глас „за“ и 19 „против“ и воздржани, Собранието денеска го изгласа Предлог-законот за изменување и дополнување на Законот...
Филков: Случајот со апелациониот судија не е само скандал, тоа е симбол на длабока системска слабост
Министерот за правда Игор Филков на денешната прес-конференција се осврна на актуелните состојби во правосудството и пристапот на Министерството за...
Нема подигање пратки од Пошта, вработените протестираат за плата: ги минаа празниците и најдолгиот месец во годината без пари
Вработените во Македонска пошта од целата држава денес излегоа на протест преку кој побараа да им се исплати платата која...
Мицкоски: Без одржлива струја нема развој на вештачката интелигенција – градиме гасни интерконектори со две соседни држави
Македонија ги зајакнува преносните линии за електрична енергија и за гас, во однос на вештачката интелигенција. Се гради еден гасен...
СДСМ со пакет амандмани: промена на членот за злоупотреба на службената положба, без рок за конфискација и 48 часа за снимките од „Безбеден град“
Пратениците на СДСМ поднесоа повеќе амандмани на Предлог-законот за изменување и дополнување на Кривичниот законик. Како што соопштуваат од партијата,...
(Видео) Бурата „Ингрид“ пустоши низ Франција: бранови како згради, ветерот носи сè пред себе
Бурата „Ингрид“ денес донесе силни ветрови, обилни врнежи од дожд и крајбрежни поплави во западниот француски департман Финистер во регионот...
Аракчи му порача на Зеленски: На светот му е доста од збунети кловнови
Министерот за надворешни работи на Иран, Абас Аракчи, му порача на претседателот на Украина, Володимир Зеленски, дека „на светот му...
Јанкулоска: СЈО и сите таму беа „црпнати“, водеа политички прогон и билдаа партиски рејтинзи
Поранешната министерка за внатрешни работи, Гордана Јанкулоска, го коментира застарувањето на предметот „Талир“ на некогашното специјално обвинителство. Таа обвини дека...
Трамп до канадскиот претседател: Ја повлекувам вашата покана до најпрестижниот Одбор за мир
Претседателот на САД, Доналд Трамп, денес ја повлече претходната покана до Канада да се приклучи на Одборот за мир, иницијатива...
Путин се сретна со Американците, им рече дека не се откажува од украинските региони
Русија објави дека денес ќе одржи безбедносни разговори со САД и Украина во Абу Даби, предупредувајќи по средбата на претседателот...
САД, Украина и Русија на преговарачка маса во Абу Даби
Првите трилатерални мировни преговори меѓу Соединетите Американски Држави, Украина и Русија ќе се одржат денес во Абу Даби, потврди Кремљ....
