Спорт
Марсело: Крос и Модриќ без извонредни, Иско ме импресионира, но најдобрар од сите е Ронадињо
![](https://makfax.com.mk/wp-content/uploads/2025/02/marcelo.jpg)
Легендарниот Бразилец Марсело ја заврши својата блескава кариера три месеци пред својот 37 роденден. Легендата на Реал Мадрид, со овој клуб освои 25 трофеи за 15 години. Негов поледен клуб во кариерата беше Флуминенсе, со кого го освои Копа Либертадорес.
Сепак, Марсело пред се е симбол на Реал Мадрид, за кој одигра 546 натпревари од 2007 до 2022 година. Тој беше прв капитен странец на „кралскиот клуб“ од 1904 година.
Марсело освои се со Реал Мадрид, а меѓу освоените трофеи се и пет ЛШ и шест шпански титули. Неодамна според бројот на освоени трофеи во дресот на Реал го престигнаа Начо и Лука Модриќ, а сега хрватскиот репрезентативец е осамен на вечната листа.
„Отсекогаш сум играл со многу добри играчи. За мене најдобар беше Роналдињо, со кој играв во репрезентацијата, но бев многу импресиониран и од Иско. Тони Крос и Модриќ беа извонредни, но Иско секогаше знаеше да ме импресионира“, рече Марсело во интервју за „Хормигуеро“.
На крајот откри дека не се гледа себеси како тренер, а за кариерата заклучи: „Во фудбалот постигнав се што сакав. Немав сериозни повреди, играв за најдобриот клуб во светот, но доаѓа момент кога ти требаат различни работи и нови предизвици“.
Роналдињо одигра 97 натпревари за Бразил од 1999 до 2013 година и постигна 33 гола. Тој ја освои Копа Америка со националниот тим во 1999 година и Светското првенство три години подоцна. Тој се пензионираше во 2015 година како играч на Флуминенсе, а играше и за Гремио, ПСЖ, Барселона, Милан, Фламенго, Атлетико Минеиро и Керетаро.
Во Барселона го носеше бројот десет, а во 2006 година ја доби „Златната топка“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Колина предлага револуционерна промена во изведувањето пенали
![](https://makfax.com.mk/wp-content/uploads/2025/02/MV5BODM1MjcxYTQtODhiYS00YWVkLWJhODEtOWIxODA5NTNkOTBmXkEyXkFqcGc-._V1_.jpg)
Легендарниот италијански судија и шеф на судискиот комитет на УЕФА, Пјерлуиџи Колина, ќе предложи промена во начинот на изведување на пенали.
Колина (65) важи за еден од најдобрите судии во историјата на фудбалот.
Затоа УЕФА го назначи за шеф на судиите во 2017 година, а со оглед на тоа што тој се уште е на оваа позиција, неговиот предлог би можел да биде усвоен.
Италијанецот сака да го укине правилото играчот да може да игра со топката во случај голманот да го одбрани неговиот удар.
Според мислењето на Колин, ова би ги зголемило инаку намалените шанси на голманот да одбрани удар од белата точка.
„Верувам дека има голема разлика помеѓу шансите што ги имаат голманот и напаѓачот. Во просек, 75 проценти од пенали се реализираат. Покрај тоа, на напаѓачот му се дава дополнителна шанса да постигне гол откако ќе биде одбиена топката и голманот одбрани. Сметам дека голманите треба да се жалат“, рече Колина.
Славниот италијански судија дека во врска со ова прашање му се обратил на ИФАБ (Меѓународен одбор на фудбалска асоцијација), побарал да се преиспита правилото.
Колина ја заврши својата кариера во 2005 година, тој е шесткратен добитник на наградата за најдобар судија во светот од Институтот за фудбалска историја и статистика.
Спорт
Шифрин и Џонсон златни во екипна комбинација на СП
![](https://makfax.com.mk/wp-content/uploads/2025/02/12812809.jpg)
Американските скијачки Микаела Шифрин и Бризи Џонсон освоија злато во новата екипна комбинација на Светското првенство, во Залбах, Австрија.
Новата тимска комбинација вклучува еден член на тимот да се натпреварува во слалом, а другиот во спуст. Времињата на двата члена потоа се собираат за да се добие нивниот конечен резултат.
Шифрин настапи во слалом, додека Џонсон во спуст. Победија со вкупен резултат 2:40,89 минути.
Среброто им припадна на Венди Холденер и Лара Гут-Бехрами од Швајцарија со 0,39 секунди заостанување, додека бронзата ја освоија Австријките Стефани Вениер и Катарина Трупе со 0,53 секунди заостанување.
Шифрин има 62 победи во слалом и е апослутна рекордерка во Светскиот куп, додека Џонсон го освои златниот медал во спуст на овогодинешното Светско првенство.
Дамите на СП во четврток ќе возат велеслало. Шифрин поради посттрауматски стрес се повлече од оваа дисциплина што значи дека нема да го брани златниот медал освоен пред две години.
На СП досега во кариерата, Шифрин има освоено 15 медали, осум од нив се со златен сјај.
Спорт
(Видео) „Хулијан, ова мене да ми го направеше, ќе те бркав на теренот“
![](https://makfax.com.mk/wp-content/uploads/2025/02/GettyImages-2198414955.jpg)
Реал и Атлетико, во саботата одиграа 1:1 во градското дерби. По 23 рунди во шпанското првенство Реал води со 50 поени, еден повеќе од Атлетико, два од Барселона и пет од Атлетик Билбао.
На „Сантијаго Бернабеу“, Атлетико го отвори резултатото со голот на Хулијан Алварез од пенал во 35.минута. Аргентинецот втор пат во кариерата настапи во Мадрилењо дербито и го постигна првиот гол.
24-годишниот напаѓач, во кариерата освои се, со Аргентина стана светски првак и шампион на Јужна Америка, со Манчестер сити ја освои Лигата на шампионите.
Арања (пајак) е прекарот на Алварез, кој при изведувањето на пеналот импресионираше со ладнокрвноста. Против еден од најдобрите голмани во светот, Тибо Куртоа, се реши за паненка и погоди.
Хулијан Алварез на својот Инстаграм профил објави фотографија на која го прославува гол против Реал Мадрид, а неговиот репрезентативен колега Емилијано Мартинез остави коментар во свој стил: „Ова мене да ми го направеше ќе те бркав низ теренот“, напиша голманот на Астон Вила.