Спорт
Мартин на пол-позицијата во Австралија
Возачот на Прамак Дукати, Хорхе Мартин, ја освои пол-позицијата пред Големата награда на Австралија. 18 трка Мото ГП шампионатот покрај Мартин од првиот ред ќе ја започнат Марк Маркез на Репсол Хонда, кој заостана 13 илјадити делови од секундата и возачот на Дукати, Франческо Бањаја.
На враќањето на патеката „Филип Ајленд“, Мартин ја освои пол-позицијата со рекорден круг од 1:27.767 минути. Во финишот на квалификациите Мартин го урна девет години стариот рекорд на сонародникот Хорхе Лоренцо.
Зад Бањаја од вториот ред трката ќе ја започнат возачите кои се борат за титулата, Алеиш Еспаргаро на Априлија и бранителот на трофејот Фабио Квартараро на Јамаха.
Вториот возач на Прамак Дукати, Жоан Зарко ќе го комплетира вториот грид, пред возачот на тимот ВР46, Лука Марини и Џек Милер на Дукати, кој сè уште има шанси за титулата.
Место меѓу првите десет обезбедија Марко Бецецки и Алекс Ринс, додека најлош пласман од сите кандидати за титулата имаше Енеа Бастианини, која се пласира на 15. место.
Трката за ГН на Австралија ќе се вози во недела, во 5 часот по средно-европско време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ го детронизира Синер, ќе се бори за 11-от трофеј на Австралија Опен
Новак Ѓоковиќ, најдобриот тенисер на сите времиња, успеа да се пласира во финалето на Австралија Опен. Освојувачот на 24 Гренд слем титули, во полуфиналето по четири часа и 12 минути, го победи бранителот на трофејот Јасник Синер со 3:2 (3:6, 6:3, 4:6, 6:4, 6:4). Ѓоковиќ, в недела, во своето 11-то финале во Мелбурн, за противник ќе го има Карлос Алкараз, кој претходно во пески меч од пет часа и 27 минути го победи Александар Зверев. Раритет на овој меч е што Синер загуби и покрај тоа што вкупно освои повече поени.
Петтиот сет од дуелот, беше вистински ролекостер. Ѓоковиќ спаси осум брејк топки, два пати три поврзани, еднаш две. За разлика од Синер, кој брејк шансите не ги искористи, Ѓоковиќ ја искористи првата своја шанса во седмиот гем.
Во 10-от гем, кога сервираше за меч, Ѓоковиќ ја искористи третата меч топка.
Со оваа победа, Ѓоковиќ ја прекина серијата од пет порази во дуелите со Синер.
Спорт
Горецка ќе го напушти Баерн
Германскиот фудбалер Леон Горецка го напушта Баерн на крајот од сезоната, објави клубот од Минхен.
„Леон Горецка ќе го напушти Баерн ова лето по осум успешни години. Дотогаш, ќе направиме сè што можеме за да освоиме повеќе титули заедно! Ајде да го направиме тоа“, се вели во соопштението на Баерн на социјалната мрежа X.
Горецка (30) дојде во Баерн од Шалке во 2016 година. Играчот за врска ја освои Лигата на шампионите, Суперкупот на УЕФА, шест титули во германското првенство и два Купа со клубот од Минхен.
Одигра 292 натпревари за Баерн во сите натпреварувања и постигна 47 гола.
Од 2014 година, Горецка е стандарден член на германската репрезентација, за која одигра 67 натпревари и постигна 15 гола.
За неговите услуги во зимскиот преоден рок се интересираа неколку клубови, најконкретен беше Атлетико Мадрид, но фудбалерот реши да остане во Минхен до крајот на сезоната.
Foto/ depositphotos
Спорт
Навреден од понудата за новиот договор Бензема стапи во штрајк
Карим Бензема стапи во штрајк, навреден од понудата што ја добил од Ал-Итихад за продолжување на договорот.
Договорот на Бензема истекува на крајот од сезоната 2025/26. Тој заработува неверојатни 1,61 милион фунти неделно, или повеќе од 230.000 фунти дневно, објави „Дејли Мејл“.
Според пишувањата на француските медиуми, и 38-годишниот Бензема и клубот сакале да ја продолжат соработката. Сепак, откако клубот му ја презентирал понудата во четвртокот, напаѓачот бил толку лут што решил да не игра против Ал Фатех (2:2).
Бензема почнал да тренира одвоено од остатокот од составот бидејќи смета дека првата понуда за продолжување на договорот била „навредлива“.
Добитникот на „Златната топка“ во 2022 година наводно го обвинил клубот дека го принудил да „игра бесплатно“ на почетокот на неговиот договор, профитирајќи исклучиво од неговите права на имиџот.
Иако Бензема има одлична индивидуална сезона со осум гола на 14 настапи, неговиот Ал-Итихад е шести на табелата на саудиската професионална лига. Се смета дека францускиот напаѓач ги разгледува своите опции да го напушти клубот и да се врати во Европа.
Бензема моментално е третиот најплатен фудбалер во светот со годишна плата од 85 милиони фунти. Лионел Меси заработува малку повеќе од него во Интер Мајами, 96,9 милиони фунти, додека двајцата се во сенка на Кристијано Роналдо, чија плата во Ал-Наср е неверојатни 194 милиони фунти годишно.
Foto/ depositphotos

