Спорт
Мартин победи во Португалија, Акоста трет, Бањаја и Маркез не ја завршија трката
Хорхе Мартин победи на трката за Големата награда на Португалија. Возачот на Прамак Дукати со шестиот триумф во кариерата во „кралската класа“, го заокруѓи перфектниот ден на Шпанеците, Даниел Олгадо победи во категоријата Мото 3, а Арон Канет во Мото 2.
Мартин трката ја запона од третото место, на челната позиција ја презеде во првиот свиок и до карјот никој не успеа да му ја оспорит победата.
Енеа Бастианини заврши на второто место со 882 илјадитинки заостанување, а трет беше возачот на ГасГас, Педро Акоста. Шпанецот ја возеше својата втора трка во „кралската класа“ и стана третиот најмлад кој се искачил на подиумот во историјата на Мото ГП.
Трката не беше многу интересна, до самиот финишт, Акоста беше во центарот на вниманието бидејќи од седмото стигна до четвртото место. Во борбата за четвртата позиција го помина актуелниот шампион Пеко Бањаја.
Италијанецот не ја заврши трката бидејќи на три круга до крајот имаше контакт со Марк Маркез од Гресини.
Драмата кулминираше во последниот круг кога во тој момент второпласираниот Маверик Вињалес, падна од својата Априлија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.