Спорт
Мартин победи во спринтот во Катар, Бањаја петти – Титулата ќе се решава во Валенсија

Возачот на Прамак Дукати, Хорхе Мартин, триумфираше на спринт трка што се одржа во рамките на Големата награда на Катар, претпоследна во Мото ГП шампионатот.
Шпанецот ја постигна осмата победа во спринт од почетокот на сезоната и значително ја намали разликата во однос на Франческо Бања во генералниот поредок. Актуелниот првак, Бањаја, спринтот го заврши на петтото место. Разликата меѓу претендентите за шампионската титуал сега е седум во корист на Италијанецот.
До крајот на сезоната ќе се вози Големата награда на Катар, односно спринт трката и главната трка во Валенсија.
Најблиску до Мартин, на патеката „Лосаил“ беше Фабио ди Џанантонио од Гресини, додека на третото скалило на подиумот се најде возачот на тимот ВР46, Лука Марини кој стартуваше од пол-позицијата.
Покрај одличното возење на Мартин и фактот дека титулата ќе се решава во Валенсија следната недела, спринтот во Катар го одбележа и инцидент во првиот круг. Иако не е јасно што точно се случи, она што се знае е дека трката по тој инцидент заврши за возачот на Дукати, Енеа Бастианини, Алеиш Еспаргаро на Априлија и Мигел Оливеира на РНФ Априлија.
Големата награда на Катар започнува во недела во 18 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Чави мораше да молчи додека не го чуе името на подобар играч од средниот ред од него – Еве кога проговори

Еден од најдобрите играчи од средниот ред на сите времиња, за многумина во кругот на најдобрите фудбалери на сите времиња, Чави, се согласи на популарна игра во која мора да молчи додека не го чуе името на играч за кој мисли дека бил или е подобар од него.
Во случајот на Чави, се бараше подобар играч од средниот ред.
На Чави му беа понудени многу имиња на играчи на позициите во средниот ред пред да го прекине молчењето.
За него, тоа не беа ниту Стивен Џерард, Френк Лампард, Кевин Де Брујне ниту Андреа Пирло, иако со изразот на лицето ја покажуваше колку ги почитува. Прозборе кога му го спомнаа Зинедин Зидан.
Легендата на Барселона и шпанската репрезентација освои сè во својата кариера. Со Барселона, за која одигра 767 натпревари со учинок од 85 гола и 184 асистенции, осум пати беше шампион на Шпанија и четири пати ја освои Лигата на шампионите. Со Шпанија, за која постигна 12 гола во 133 настапи, ја освои титулата светски шампион (2010) и двапати беше европски шампион (2008, 2012).
Ја заврши кариерата во Ал Сад од Катар.
Xavi when asked "Stay quiet until we mention a better midfielder than you."
byu/mynamestartswithCa insoccer
Спорт
Ваков влез во сезона Милан немале 20 години

Фудбалерите на Милан досега одиграа шест натпревари во Серија А, а статистичарите извлекоа информации што укажуваат колку е дефанзивно моќен тимот.
Тимот што го предводи Масимилијано Алегри, моментално е трет во италијанското првенство. Досега примија само три гола, а Рома е единствениот тим во лигата што прими помалку од нив (2).
Она што се издвојува е фактот дека во шесте одиграни натпревари, Милан на четири од шестте натпревари не прими гол.
Откако за победа се доделуваат три бода (сезона 1994/1995), црвено-црните од „Сан Сиро“, само еднаш имале ваков старт, во сезоната 2006/2007.
Резултатите на Милан во Серија А оваа сезона:
1. коло: Милан – Кремонезе 1:2
2. : Лече – Милан 0:2
3. коло: Милан – Болоња 1:0
4. коло: Удинезе – Милан 0:3
5. коло: Милан – Наполи 2:1
6. коло: Јувентус – Милан 0:0
Спорт
Поранешниот спортски директор на Барселона ќе ја крои трансфер политиката на Атлетико

Еден од најважните луѓе во поновата историја на Барселона, Матео Алемани, од денес е новиот спортски директор на Атлетико Мадрид.
Многумина не знаат и не се свесни што направил Алемани, но тој беше ставен на чело на операцијата во револуцијата што ја спроведе Џоан Лапорта по неговото враќање во клубот во 2021 година.
Алемани доби празна каса, стотици милиони долгови, неможност за купување на пазарот, но и покрај тоа, во текот на следните две и пол години, тој постигна неверојатен успех.
Во првиот преоден рок на функцијата, ги донесе Пјер-Емерик-Обамејанг, Адама Траоре и Феран Торес, а потоа во летото 2022 година ги реализираше сите тие финансиски лостови што овозможија еден од најдобрите преоден рок во историјата на Барса.
Тоа лето, Алемани ги донесе Роберт Левандовски, Рафиња, Жил Кунде, Андреас Кристенсен и Франк Кеси, кои пристигнаа како слободни играчи и Барса ја освои титулата убедливо во истата сезона.
Сепак, во еден момент, на есен 2023 година, имаше несогласување со раководството и Алемани одлучи да си замине, а наместо него беше назначен Деко.
Некогаш соработници, сега ќе бидат ривали, па Алемани од сега ќе биде задолжен за трансфер политика на Атлетико Мадрид.
Тој дојде на местото на Андреа Берта, кој замина во Арсенал ова лето, и сигурно е еден од најдобрите менаџери во модерниот фудбал.
Нема сомнение, Алемани би можел да биде еден од клучните луѓе во револуцијата што ја започна Диего Симеоне минатото лето. Тренерот драстично, во два преодни рока го подмлади тимот.
Алемани беше претседател на Мајорка на почетокот на кариерата, а подоцна и главен човек на Валенсија, која го препорача на Џоан Лапорта.