Спорт
Мартинез: Во вториот дел со мислите бевме во финалето
Белгија не успеа да се пласира во финалето во Лигата на нации. Белгијците против Франција испуштија предност од 2:0 по првото полувреме. Французите на крајот славеа победа 3:2, со голот на Тео Ернандез постигнат во 90. минута.
„Првото полувреме беше фантастично. Игравме со многу самодоверба. Во второто не беше добро, премногу со мислите бевме во финалето. Мислевме дека веќе се пласиравме таму. Дозволивме Франција да се врати во мечот и да нè победи“, изјави селекторот на Белгија, Роберто Мартинез.
„Ужасно е кога ќе загубиш на ваков начин. Тешко може да се прифати ваков пораз. Сепак мораме да се насочиме кон натпреварот за третото место, против Италија, и на наредните квалификациски натпревари. До Катар има уште 13 месеци, секој натпревар е шанса да се подобриме“.
Белгија против Италија ќе игра в недела, во Торино, од 15 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Центарот на Макаби се сели во НБА?

Кошаркарот на Макаби Тел Авив, Роман Соркин, би можел да ја продолжи кариерата во НБА откако неколку тима покажаа интерес за него.
Соркин импресионираше на Евробаскетот за Израел, со просек од 16,5 поени и 6 скока по натпревар.
Израел го заврши учеството во осминафиналето, со поразот од Грција. Интерес за Соркин покажале Мајами Хит, Њујорк Никс и Портланд Треил Блејзерс, тврди новинарот Иан Бегли.
Инаку, Соркин се пријави на драфтото во 2018 година, но не беше избран.
Минатата сезона, играјќи за Макаби Тел Авив во Евролигата, тој имаше просек од 12,9 поени и 4,1 скока по натпревар, шутирајќи 50,9 проценти од поле.
Спорт
Куртоа си купи ноќен клуб

Тибо Куртоа одлучи да развие бизнис надвор од фудбалскиот терен.
Според белгиските медиуми, искусниот голман одлучил да го купи ноќниот клуб „Версуз“ во Хаселт, на северот од Белгија.
Беше затворен минатиот мај, но сега Куртоа сака да му вдахне нов живот.
Планот е целосно да се реновира, за гостите да имаат максимална атмосфера во форма на удобност, музика…
Капацитетот треба да биде околу 4 илјади луѓе.
Спорт
Проблем за Гвардиола – Мармуш се повреди играјќи за Египет

Лоши вести пристигнаа на „Етихад“ од Африка бидејќи Омар Мармуш ги повреди лигаментите на коленото.
Сериозноста на повредата на египетскиот напаѓач ќе ја утврдат специјалистите во Каиро, а потоа и лекарите и специјалистите од Манчестер Сити на прегледот кога ќе се врати во Англија.
Во четвртата минута од дуелот против Буркина Фасо, Мармуш доби силен удар во коленото. По помошта, тој остана на теренот уште неколку минути и побара измена.
Како што стојат работите сега, Мармуш ќе го пропушти градското дерби против Манчестер Јунајтед во недела.
Foto/ „X“