Лидерот на табелата во ПМФЛ, скопски Шкупи славеше победа со 2-1 на денешниот дуел со второпласираниот тим на табелата – Ренова во рамки на 11. коло од најквалитетната македонска фудбалска лига.

По мирните 45 минути, сите три гола на средбата паднаа во второто полувреме.

Адетуњи ги донесе скопјани во водство во 55 минута, а на 2-0 зголеми Алварез во 69 минута од мечот.

Голот кој им даде надеж на гостите од Џепчиште дека можат да освојат барем бод во главниот град го постигна Мустафов во 83 минута од средбата, но Ренова не успеа да откине од пленот на Шкупи.

По 11 одиграни кола, Шкупи е лидер со 26 бодови, дури 5 повеќе од денешниот ривал.

Трет на табелата пред одигрувањето на натпреварите од ова коло е тимот на Академија Пандев со 18 поени.

Утре се играат преостанатите 5 средби од ова коло:

Борец – Академија Пандев
Пелистер – Брегалница
Шкендија – Работнички
Македонија ЃП – Струга ТЛ
ФК Скопје – Тиквеш

Фото: ФК Шкупи

Доминантна игра и супериорна победа имаа попладнево избранците на Томас Тохел во Лондон против тимот на Норич. Челси со убедливи 7-0 ги декласираше „канаринците“ кои од 65. минута играа и со човек помалку поради црвениот картон на Бенџамин Гибсон.

Мрежата на ветеранот Крул се затресе уште во 8. минута. На додавање на Жоржињо, Маунт погоди за 1-0.

Само 10 минути подоцна, а семафорот стоеше 2-0, стрелец на новиот погодок на сините беше Хадсон-Одои.

Веќе во 42 минута се чини победата беше обезбедена. Рис Џејмс по асистенцијата на Маунт носи предност за својот тим од 3-0.

Во вториот дел фудбалерите на Челси продолжија онаму каде што застанаа по првите 45 минути. Чилвел во 57 минута по асистенцијата на Матео Ковачиќ носи предност од 4-0 за својот тим, а 5 минути подоцна водството е зголемено благодарение на автоголот на Аронс.

Шестиот гол во мрежата на Крул го постигна повторно Маунт, овојпат од белата точка, додека последниот удар на гостите им го зададе истиот играч за хет-трик на мечот, во 91 минута.

Со новата победа Челси сега е на плус +4 пред Ливерпул на врвот на табелата во Премиерлигата, додека Норич е „фенерџија“, со само 2 бода по 9 кола и гол разлика 2:23.

Легендарниот боксер Мајк Тајсон (55) на почетокот на следната година повторно ќе влезе во рингот.

Според информациите на медиумите во САД, противник ќе му биде јутјуберот, Логан Пол(26).

Тајсон уште од поодамна најави дека планира во февруари пак да се појави во рингот, но не беше познат противникот. Се чини дека изборот падна на Логан пред се поради парите.

„Таа борба се прави поради пари. Тие момци имаат 75 милиони луѓе кои ги гледаат“ неодамна изјави Тајсон.

„Челичниот“ во ноември минатата година имаше егзибициски меч со Рој Џонс, додека Логан ги одмери силите со Флојд Мејведер.

Logan Paul vs Mike Tyson

Feb 2022 !

Sources tell #DramaAlert pic.twitter.com/7B6hmEiXDg

— KEEM 🍿 (@KEEMSTAR) October 23, 2021