Спорт
Математики за ЕП: За Хрватска е многу подобро да биде втора отколку прва во групата
![](https://makfax.com.mk/wp-content/uploads/2023/11/modric.jpg)
Репрезентацијата на Хрватска во вторник од 20:45 часот на Максимир ќе одигра решавачки натпревар во квалификациите за Европското првенство против Ерменија. Избраниците на Златко Далиќ сигурно ќе се квалификуваат со победа против Ерменија, а може и со некој друг исход, под услов Велс да не ја победи Турција, за која мечот повеќе не значи ништо.
Хрватска може да биде прва во групата, а тоа ќе се случи доколку ја победи Ерменија, а Турција загуби од Велс. Во тој случај Турција и Хрватска би имале по 16 бода, но Хрватска би излегла на првото место поради подобриот меѓусебен сооднос. Хрватска победи со 2:0 во Турција, а загуби со 1:0 на домашен терен.
Сепак, во пресметките подобро е избраниците на Далиќ да завршат втори отколку третопласирани бидејќи на тој начин би избегнале некои многу силни тимови во ждрепката. Силните групи од ждрепката на еврото се распоредени според резултатите во квалификациите.
Доколку го освои првото место, Хрватска би била во втората силна група, во која според досегашните резултати се Турција, Данска, Унгарија, Албанија, Романија и Австрија. Второто место би го сместило во третата силна група, во која моментално се Шкотска, Холандија, Италија, Србија и Словенија.
Може да и се случи и на Хрватска да не се пласира директно на ЕП, а тоа би се случило доколку Хрватска не ја победи Ерменија, а Велс слави против Турција. Со таков исход, Турција и Велс би се пласирале на ЕП, а Хрватска би отишла во дополнителните квалификации обезбедени преку Лигата на нации.
EURO 2024 pots, as things stand before the final round of qualifying.
*BEL 🇧🇪 ahead of AUT 🇦🇹 based on points per game because AUT played 1 game more than BEL.
Projections based on Elo simulations to follow. pic.twitter.com/pJ09XgZfcS
— Football Meets Data (@fmeetsdata) November 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Белгија ја запиша првата победа на ЕП
![](https://makfax.com.mk/wp-content/uploads/2024/06/12320148.jpg)
Фудбалската репрезентација на Белгија ја победи Романија во последниот натпревар од деветтиот ден на ЕП. Во Е групата Белгија победи со 2:0 (1:0). По две кола, сите селекции во Е групата имаат по три бода.
Белгија поведе по само 73 секунди игра. Стрелец беше Тилеманс, со најбрзиот гол на Белгија на големите натпреварувања.
Следеа шанси за Белгија, која доминираше, но Ница блескаше на голот на Романија. Свои шанси имаше и Романија, но и Кастелс беше располошен на голот на Белгија.
Романците поагресивно влегоа во вториот дел. Имаа две пристојни шанси во првите десет минути, но не извлекоа ништо корисно од тоа.
Пото Белгија повторно ја презеде контролата. Во еговиот гол го поништи ВАР поради офсајд.
Дилемите околу победникот ги реши Кевин де Брујне во 80.минута.
Гол-разликата ги држи Романците на првото место, а потоа следат Белгија, Словачка и Украина.
Во третото коло од групата Е се среќаваат Словачка и Романија и Украина и Белгија. Тие натпревари се закажани за среда на 26 јуни од 18 часот.
Спорт
Капитенот на Реал се сели во Саудиска Арабија
![](https://makfax.com.mk/wp-content/uploads/2024/06/012735534003.file_.jpg)
Начо Фернандез (34) по 23 години го напушта Реал, кариерата че ја продолжи во Ал Кадсија.
Фабрицио Романо објави дека поранешниот капитен на Реал веќе ги поминал лекарските прегледи и ќе потпише договор за саудискиот клуб на две години.
Начо пристигнал во Реал во 2001 година од АД Комплутенсе на 11-годишна возраст. Како сениор со Реал ги освои сите значајни клупски трофеи, шест пати ја освои Лигата на шампионите.
Спорт
(Фото) Поради селфиња со Роналдо четири пати во прекин беше натпреварот Португалија-Турција
![](https://makfax.com.mk/wp-content/uploads/2024/06/12319756.jpg)
Португалија без проблеми се справи со Турција во второто коло од групата Ф на ЕП. Португалија победи со 3:0 и го обезбеди првото место во Ф групата.
Покрај одличната игра на Португалија, комичниот автогол на Ајкадин, натпреварот во Дортмунд го одбележа и неверојатно лошата организација на службата за обезбедување.
Четири пати во текот на натпреварот, навивачи влегуваа на теренот за да дојдат до Кристијано Роналдо и да направат селфи со него.
Секако, според правилата на УЕФА, секој од тие упади не беа прикажани во ТВ пренос, но според реакциите од трибините, навивачите беа лути поради егзибициите на оние кои во второто полувреме постојано го прекинуваа натпреварот со што го нарушуваа ритамот на натпреварот.
Што се однесува до стјуардите, тие имаа малку трпение во првите три упади, но во последниот применија сила и грубо го изведоа натрапникот надвор од стадионот.