Спорт
Матеус безмилосен кон Крос: Неговите додавања се како неговата фризура
Елиминацијата на Германија од Европското првенство уште предизвикува дискусија, откако легендарниот Лотар Матеус влезе во остра критика на Тони Крос, фудбалерот на Реал Мадрид кој потврди дека се повлекува од „маншафт“ бидејќи „циклусот е комплетиран“.
Во својата колумна за „Билд“, Матеус, капитенот на репрезентацијата која во 1990 стана светски шампион беше безмилосен, оценувајќи дека Крос не успеал да стане лидер на својот тим.
„Тој се цени самиот себеси повисоко отколку што другите го ценат. Не се работи за ништо лично, му честитам за успесите со Реал Мадрид и со Германија, во добра кариера, како голем и елегантен фудбалер. Но, на Европското првенство тој беше разочарувачки, без желба да го предводи тимот. Му недостасуваше страста, оганот и неговите додавања. Неговите додавања се како неговата фризура – убави и чисти, коректни. Но, тоа го одземаше духот на тимот. Немаше хоризонтални додавања, секогаш се повлекуваше наназад. Тој не сакаше да преземе одговорност, ниту покажа уверливост“, вели Матеус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Блажевски бронзен на ЕП до 21 година во таеквондо
Филип Блажевски од таеквондо клубот Бутел, вечерва во Приштина, оствари голем успех. Блажевски освои бронзен медал на Европското првенство до 21 година.
На патот до медалот, Блажевски, забележа три победи и пораз. Славеше со 2:0 над Манита Александру од Молдавија и Олександар Јефимов од Украина, односно со 2:1 го победи Ајман Бари од Франција.
Доживеа пораз од Хрватот Оскар Ковачиќ, што му беше довлно да го освои бронзениот медал.
Спорт
Се смирија Салах и Слот
Мохамед Салах се враќа во првиот тим на Ливерпул и ќе му биде на располагање на тренерот Арне Слот, утре против Брајтон.
Најдобриот стрелец на „Црвените“ во последните неколку години не патуваше во Милано, на дуелот со Интер во Лигата на шампионите, што беше индикација дека имало конфликт со тренерот. Инаку, претходно, Салах, го преседе на клупата натпреварот против Лидс во Премиер лигата.
Салах, по дуелот со Лидс, го изрази своето незадоволство од статусот што го има, со зборовите дека „клубот го фрлил под автобус“.
Играчот и тренерот одржаа состанок во доцна попладнево и исходот очигледно беше позитивен. Египќанецот се враќа, на прво место се ставени интересите на клубот.
Двете страни ќе продолжат со комуникацијата за време на Африканскиот куп на нации каде што Салах ќе ја претставува својата земја.
Foto/ depositphotos
Спорт
Мексикаците ја потврдија замена за Агире по СП
Фудбалската репрезентација на Мексико, на СП, чии е ко-домаќин, заедно со САД и Канада, од клупата ќе ја предводи искусниот стратег, Хавиер Агире. Националниот сојуз објави дека тоа ќе биде последната работа на Агире, тој по Мундијалот ќе се пензионира.
Ова значи дека по Светското првенство, Мексико ќе добие нов селектор. „Собрероси“ по СП ќе ги преземе уште една легенда, поранешниот играч на Барселона, Рафа Маркез.
„По Светското првенство 2026, Маркез ќе ја заврши својата улога како асистент, а потоа ќе биде назначен за селектор на Мексико. Веќе имавме разговори со него и тоа е планот за следниот период. Во договорот на Маркез пишува дека по Светското првенство 2026, тој ќе стане селектор на репрезентацијата“, вели Иван Сисниега, претседател на Фудбалскиот сојуз на Мексико.
Маркез треба да биде селектор на мексиканската репрезентација до 2030 година.

