Спорт
Матеус има порака за Баерн: Купете ги Мане и Лукаку
Роберт Левандовски и Серж Гнабри не се задоволни од статусот во Баерн Минхен, двајцата имаат желба да го напуштат клубот во преодниот рок. Левандовски се поврзува со Барселона, додека за Гнабри има интерес кај неколку клубови од Премиер лигата, а наводно и Реал биле подготвени да се вклучат во трката за неговиот потпис.
Легендата на германскиот фудбала Лотар Матеус го советува клубот веднаш да ги продаде.
Матеус смета дека клубот треба Полјакот и Германецот да ги замени со Ромелу Лукаку и Садио Мане.
„Веднаш би потпишал со Лукаку ако е тоа економски можно. Лукаку и Мане би донеле нова харизма и квалитет наместо Левандовски и Гнабри. Со таков тим и напад Баерн би немал причина да се плаши од ниту еден ривал. Ниту еден дефанзивец не би сакал да го чува Лукаку, а Мане е флексибилен и може да игра се во нападот. Мислам дека можат да бидат достапни за помалку пари бидејќи имаат 30 години, но сигурен сум дека се идеални решенија за следните неколку години“, изјави Матеус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кавај Ленард го одигра најдобриот меч во кариерата – ЛА Клиперс славеа против Детроит
Кошаркарите на Лос Анџелес Клиперс славеа над лидерот во Источната конференција, Детроит со 112:99. Клиперс ја забележаа четвртата победа, што е најдолга победничка низа за нив оваа сезона.
Клиперс до победата над Пистонс ги предводеше Каваи Ленард. Поранешниот МВП, со Сан Антонио, го одигра најдобриот меч во кариерата, постигна 55 поени, 26 од нив во третата четвртина. Ленард во статистиката запиша и 11 скокови и пет украдени топки.
Каваи Ленард ја игра својата 14-та сезона во НБА. Има 34 години и двапати беше шампион, во 2014 година со Сан Антонио Спарс и во 2019 година со Торонто Репторс. Исто така, шест пати се појави во натпреварот на сите ѕвезди.
Ленард стана вториот играч во историјата на Клиперси кој постигнал 40+ поени во два натпревари по ред. Првиот е легендарниот Боб Макаду, но тогаш Клиперси играа на другата страна од Америка, во Бафало, како Брејвс.
Резултати:
Торонто – Голден Стејт 141:127
/Квикли 27 – Кари 39/
Оклахома – Филаделфија 129:104
/Холмгрен 29 – Макси 28/
Портланд – Бостон 114:108
/Шарп 26 – Браун 37/
Вашингтон – Мемфис 116:112
/Сар 20 – Џексон 31/
ЛА Лејкерс – Сакраменто 125:101
/Дончиќ 34 – Дерозан 22/
Спорт
Кавани замина во пензија
Единсон Кавани (38), еден од најдобрите напаѓачи во изминатите 15 години, објави дека ја заврши својата импресивна кариера.
Во богатата кариера, Кавани играше за својот Данубио, потоа стана легенда за Палермо и Наполи, бидејќи играше во Италија шест години, а потоа направи трансфер во ПСЖ во летото 2013 година за 64.500.000 евра.
Помина цели седум години во Париз, ги освои сите можни трофеи, освен Лигата на шампионите, а потоа играше за Манчестер Јунајтед и Валенсија, пред да замине во Бока Јуниорс, што е неговиот последен клуб.
Кавани е и легенда на уругвајската репрезентација, за која одигра 136 натпревари и постигна 58 гола.
Ако се погледне неговата клупска кариера, тој одигра дури 745 натпревари и постигна неверојатни 404 гола со 79 асистенции.
Foto/ freerangestock
Спорт
(Видео) Ѓимшити го честеше Интер за Нова година, нероазурите ја победија Аталанта
Фудбалерите на Интер ја победија Аталана, во Бергамо со 1:0 и се вратија на челната позиција цо Серија А. Годината Интер ја заврши со 36 бода, еден повеќе од Милан и дваод актуелниот шампион Наполи.
Интер не блескаше, но во Бергамо го искористи подарокот на Берат Ѓимшити. Дефанзивецот на Аталанта, во 65-та минута дозволи Лаутаро да го „пресече“, неговото нелогично додавање.
Аргентинецот потоа го проигра Еспозито, втрча во шеснаесетникот, се понуди, ја доби топката од соиграчот и рутински ја реши ситуацијата.
🇮🇹 Atalanta 0-1 Inter | Lautaro Martínez 65' pic.twitter.com/vXHyGqNsoA
— Goals Xtra (@GoalsXtra) December 28, 2025
Foto/ depositphotos

