Ждрепката за дополнителните квалификации за Светското првенство во 2026 година, вчера се одржа во седиштето на ФИФА во Цирих.

Плејофот ќе се игра во март 2026 година, се игра по еден натпревар во полуфиналето и финалето, по што Европа ќе добие уште четири учесници на Светското првенство.

Македонија во полуфиналето ќе и гостува на Данска на 26 март. Доколку ја победи Данска, во финалето повторно ќе гостува, на 31 март во Чешка или Република Ирска.

Како што известува новинарот Гевин Куни, ФИФА потврди необична одлука: екипите елиминирани во полуфиналето ќе мора да играат меѓусебно на истиот ден кога ќе се играа фналето, иако натпреварот нема никакво значење.

Причината е чисто комерцијална: ФИФА мора да испорача одреден број натпревари според договорот за ТВ права, па затоа ќе добијат четири дополнителни натпревари.

На пример, доколку Македонија биде елиминирана од Данска, а Чешка од Република Ирска, натпреварот за пласман на Светското првенство Данска-Република Ирска би се играл на 31 март, додека Македонија и Чешка, во исто време би одиграле сосема неважна и „најбесмислена пријателска средба“ поради одлука со која повторно профитот е пред спортот.

Европски плејоф, полуфинале:

Патека А: 1. Италија-Северна Ирска , 2. Велс- Босна и Херцеговина
Патека Б: Украина-,Шведска Полска-Албанија
Патека Ц: Турција-Романија, 2. Словачка-Косово
Патека Д: Данска-Македонија, 2. Чешка-Република Ирска

Foto/ EPA

Лара Гут-Бехрами доживеала тежок пад за време на тренинг во Америка. Според „Блик“, 34-годишната Швајцарка има потрес на мозокот, а се сомнева дека се оштетени предните вкрстени лигаменти, како и менискусот. Попладнево ќе биде познат степенот на повредата, по деталните лекарски прегледи во Швајцарија.

Се најавуваше дека девојката родена во Тичин, ќе ја заврши кариерата по олимписката 2026 година.

Откако ги повреди лигаментите во 2017 година, таа изјави дека не сака повторно сериозно да се повреди, но како што стојат работите, токму тоа се случило во среда за време на тренингот во Купер Маунтин.

Според информациите од швајцарските новинари, видливоста на патеката во Колорадо, за време на тренингот на брзите дисциплини, не била баш добра. Според очевидци, Лара ја закачила портата со раката, по што горниот дел од телото ѝ се ротирал и таа сериозно паднала.

Во меѓувреме, Скијачката федерација на Швајцарија ги потврди информациите за овој инцидент, нагласувајќи дека ова била последната сезона на веројатно најголемата ѕвезда во женскиот тим.

Ако Гут-Бехрами сериозно го повредила коленото, тогаш тоа веројатно е крај на една блескава кариера. Лара е поранешна двојна освојувачка на Светскиот куп, освојувачка на седум мали кристални глобуси, олимписка и светска шампионка. Таа оствари 48 победи во Светскиот куп и освои уште безброј медали на најголемите натпреварувања.

Фернандињо, бразилски играч од средниот ред и долгогодишен капитен на Манчестер Сити, одлучи да ја заврши својата фудбалска кариера на 40-годишна возраст.

Неговиот последен клуб беше бразилскиот Атлетико Параненсе, со кого ја заврши соработката на почетокот на годината. Бразилецот не најде нова работа, па затоа одлучи да ја заврши својата професионална кариера, која траеше повеќе од 20 години.

Тој започна во гореспоменатиот Атлетико, од каде што се пресели во украинскиот Шахтјор во 2005 година. Таму блесна и освои шест титули во лигата, а го освои и Купот на УЕФА. По осум години во Донецк, се пресели во Манчестер Сити за 40 милиони евра.

Фернандињо беше стандарден играч во тимот на Пеп Гвардиола и за девет години во Манчестер освои пет титули во англиското првенство и шест Лига купови. Тој одигра 383 натпревари за Манчестер Сити и 53 натпревари за Бразил. Фернандињо играше во добротворен натпревар оваа недела кога го официјализираше крајот на кариерата.

„Уморен сум, а не трчав ни 30 минути. Ништо во фудбалот повеќе не ме мотивира. Направив сè што можев. Сега е време да уживам со моето семејство“, рече Фернандињо.