Спорт
Мауро Икарди ја заборави Ванда Нара, си ќари турска актерка
Мауро Икарди очигледно веќе ја заборавил Ванда Нара, со оглед дека турските медиуми откриваат дека е во љубовна врска со турска актерка која има 24 години и која редовно ги следи натпреварите на неговиот нов клуб Галатасарај. Како што се пишува во Турција, постојат силни аргументи дека тие двајца се силно заљубени.
Се започна со фотографија на која се појавија Мауро Икарди и неговиот соиграч Лукас Тореира. Една од девојките со нив е 24-годишната турска актерка Деврим Озкан. Малкумина забележуваат дека рацете на Мауро Икарди и Деврим Озкан се споени, но тоа не помина незабележано кај медиумите во Турција.
Деврим Озкан важи за една од најубавите турски актерки, има 24 години и ужива голема популарност во земјата каде што турските серии се омилениот облик на релаксација.
Бурната љубовна приказна меѓу аргентинскиот напаѓач Мауро Икарди и Ванда Нара останува актуелна и по нејзиниот крај. И додека поранешната сопруга на Макси Лопез веќе е во врска со аргентински рапер, сега фудбалерот го поврзуваат со позната турска актерка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сестрата на Роналдо за Касано: Не знам кој е тој бедник
Поранешниот играч на Рома, Милан, Интер и Реал Мадрид, Антонио Касано, познат по директните и контроверзни изјави, неодамна го критикуваше Кристијано Роналдо.
Португалецот е единствениот играч во историјата на фудбалот кој ја надминал бројката од 900 гола на официјални натпревари, но тоа не го спречи Касано да дојде до заклучок дека „Роналдо не знае да игра фудбал“.
Поранешниот италијански репрезентативец (42) гостуваше во подкастот на „Viva el Futbol“ и го коментираше Роналдо.
„Кристијано Роналдо не знае да игра фудбал, може да постигне 3000 голови, не ми е гајле… Игуаин, Агуеро, Бензема, Левандовски, Ибрахимовиќ и Суарез знаат како да играат со остатокот од тимот, а единствената занимација на Роналдо е да дава голови.“
Овие зборови на Касано наиде на негодување кај многумина, меѓу кои и сестрата на Роналдо, Елма Авеиро. Што мисли за Касано, а што за нејзиниот брат, откри на Инстаграм.
„Не го познавам тој бедник и не ми е гајле за него. Ми велат дека бил фудбалер, мислам дека грешат. Беше собирач на топки. Но, ќе ви кажам една работа. Ако Кристијано не знае да игра и постигна 900 гола, само замислете што би било кога би знаел да игра“, напиша таа.
Спорт
Иниеста заминува во пензија
Андрес Иниеста, еден од најдобрите играчи за врска на сите времиња, на социјалните мрежи објави видео со кое го најави крајот на големата кариера.
Тоа ќе го направи следниот вторник (8.октомври) во Барселона, градот во кој ги доживеа најубавите фудбалски моменти, на денот од месецот што одговара на бројот на дресот што го носеше во текот на брилијантната кариера.
Иниеста моментално е играч на Емирати на кој му се приклучи минатата година, а сега се чини дека засекогаш го напушта фудбалот.
COMING SOON🔜8️⃣🔟2️⃣4️⃣ pic.twitter.com/H0eaSKkTwU
— Andrés Iniesta (@andresiniesta8) October 1, 2024
Минатата година во јули по пет години го напушти јапонскиот клуб Висел Кобе. Иако со него освојуваше и трофеи, јасно е дека ќе остане запаметен како икона на Барселона и легенда на шпанската репрезентација.
Со Барселона освои девет шампионски титули на Шпанија, четири титули во Лигата на шампионите и вкупно 29 трофеи. Со репрезентацијата на Шпанија беше прв на Светското првенство во 2010 година и на две последователни ЕП во 2008 и 2012 година.
Иниеста стана херој и обожуван во цела Шпанија поради голот прптив Холандија во 117.минута со кој „црвената фурија“ го освои Мундијалот во Јужна Африка.
Кариерата на Иниеста:
Шпанија: 131 натпревар, 14 гола, 30 асистенции
Барселона: 674 натпревари, 57 голови, 135 асистенции
Висел Кобе: 134 натпревари, 26 гола, 25 асистенции,
Емирати: 23 натпревари, 5 гола, 1 асистенција
Спорт
Грозоморно убиство на боксер ја потресе Америка, брутално ликвидиран на улица со седум куршуми
Трагична вест доаѓа од Лос Анџелес, каде што професионалниот боксер Мајлик Бирдсонг почина на 31-годишна возраст кога беше застрелан.
Добил седум прострелни рани во горниот дел од телото додека стоел пред автомобилот со својата девојка.
Напаѓачите пукале од друго возило, а боксерот се обидел да побегне кон својата куќа, но осомничените излегле од автомобилот и продолжиле да пукаат во него.
Бирдсонг беше прогласен за мртов по пристигнувањето во болницата, а мотивите за нападот сè уште не се познати.
Се шпекулира дека тој бил поврзан со озлогласена банда во јужниот централен Лос Анџелес, но полицијата не ја потврди оваа информација.
Сторителите сè уште се во бегство, а тој требаше да се пресмета со Гор Јерцијан на крајот на октомври.