Спорт
Мбапе го стави потписот на договорот со Реал
Францускиот фудбалер Килијан Мбапе официјално е нов член на Реал. Откако успешно ги помина лекарските прегледи, Мбапе се упати на „Сантијаго Бернабеу“, каде што потпиша договор со европскиот и шпанскиот шампион.
Во друштво на претседателот на клубот Флорентино Перез, напаѓачот се обврза на соработка до летото 2029 година.
Со тоа ставија крај на долгогодишните шпекулации за тоа кога и дали Мбапе ќе го облече белиот дрес.
Францускиот репрезентативец само за са потписот ќе добие бонус од 130.000.000 евра, додека во Мадрид ќе заработува 26.000.000 нето годишно.
🔴✍️ ¡¡Momentazo que se ha aplaudido con furor en el Bernabéu!! Las pantallas muestran el momento de la firma de Mbappé junto a Florentino Pérez
👉 Sigue en directo la última hora de la presentación https://t.co/5WxynL4hk4 pic.twitter.com/pLLOkWiWno
— MARCA (@marca) July 16, 2024
Мбапе, како и сите други асови на Реал, доби дополнително време за одмор, па ќе ја прескокне турнејата низ САД, каде што кралскиот клуб ќе игра против Милан на 3. август, а три дена подоцна против Челзи, реално е дека на располагање на Карло Анчелоти ќе му биде во битката со Аталанта за трофејот во Суперкупот на Европа, на 14 август во Варшава.
Тој ќе го носи бројот девет на грбот, кој немаше сопственик откако Карим Бензема замина во Саудиска Арабија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баер со драматична победа во Менхенгладбах ја започна одбрната на титулата
Борусија Менхенгладбах и минатогодишниот шампион Баер Леверкузен приредија вистински спектакл на отворање на 62. сезона во Бундес лигата.
Тимот на Чаби Алонсо продолжи таму каде што застана минатата сезона, со победа длабоко во судиското надополнување на времетот.
Баер ја започна одбраната на титулата со победа на гостувањето кај Гладбах со 3:2.
По одличната увертира и кореографија на преполниот стадион, Гранит Џака постигна фантастичен гол од далечина, но не сакаше да слави против својот поранешен клуб.
Stop that Granit Xhaka. pic.twitter.com/8hijTHEakP
— Stop That Football (@stopthatfooty) August 23, 2024
Во 38. минута Флоријан Вирц одлично реагираше на одбиената топка и ја зголеми предноста на Баер.
Гладбах сепак успеа да возврати и да се врати во мечот по еден час игра со голот на
Нико Елведи.
Домашните продолжија со нападите и тоа на домашните им се исплатеше во 85. минута кога Клајндист одлично реагираше и го совлада голманот Храдецки за 2:2.
Гладбах сепак не усшеа да освои бод, кој го заслужи со она што го покажа на теренот.
Во 100. минута беше досуден пенал за Леверкузен. Ударот на Вирц го одбрани домашниот голман, но топата се одби до играчот Баер кој од вториот обид не промаши.
🚨🚨| GOAL: FLORIAN WIRTZ GIVES BAYER THE LEAD!!!!
M'gladbach 2-3 Bayer Leverkusen
— CentreGoals. (@centregoals) August 23, 2024
Спорт
Брајтон го договори Кадиоглу – „Галебите“ на засилувања потрошија 204 милиони евра
Турчинот Ферди Кадиоглу, според различни извори, сигурно ќе се пресели од Фенербахче во Брајтон.
Италијанскиот инсајдер Николо Скира објави дека лекарските прегледи и чинот на потпишување на договорот до летото 2029 година ќе се одржат во сабота, додека неговиот сонародник Фабрицио Романо додаде дека двете страни постигнале договор околу трансферот на 24-годишникот роден во Арнем, Холандија.
Пред две недели турскиот „АБЦ“ објави дека „галебите“ ќе му платат на Фенербахче 35,2 милиони евра за трансферот на Кадиоглу.
Кога ќе биде реализиран, овој трансфер ќе биде најскапиот во историјата на турската Суперлига.
Брајтон во досегашниот тек на преодниот рок на засилувања потроши 204 милиони евра на засилувања, а заработи 34,5 милиони.
Спорт
(Видео) Јаго Аспас ја нокаутира Валенсија, Димитриевски од клупата го гледаше поразот на „лилјаците“
Фудбалерите на Селта ја победија Валенсија на „Балаидос“ со 3:1, во првиот натпревар од второто коло во Примера. Македонскиот репрезентативец, Столе Димитриевски поразот на својот тим го гледаше од клупата за резерви.
Селта во новата сезона влезе со две победи, ваков старт клубот од Виго немал девет сезони. За разлика од Селта, Валенсија во сезоната влезе со два порази.
Легендата на Селта, Јаго Аспас беше стрелец на еден од трите гола за домаќините, забележа и асистенција и успеа да промаши пенал, поточно неговиот удар го одбрани Георги Мамардашвили, но одличниот Грузиец во голот на „лилјаците“ не можеше да го спречи поразот.
Гостите поведоа со голот на Диего Лопез во 14. минута, но Селта до полувремето направи пресврт. Оскар Мингеза израмни во 23. минута на асистенција на Аспас, само пет минути подоцна 37-годишниот капитен на Селта го постигна 206-от гол за клубот во 495-от настап во светлосиниот дрес. на својот живот.
Потоа Аспас, во судиското надополнување не успеа да реализира пенал, а точка на натпреварот во 60.минута стави Фран Белтран.