Ансу Фати го продолжи договорот со Барселона. Договорот важи до јуни 2027 година. Откупната клаузула е поставена на 1.000.000.000 евра. Неколку дена претходно под исти услови, договорот, со Барселона го продолжи и Педри, а наскоро се очекува тоа да го направи и третиот голем талент, Гави.

Анту Фати, неодамна се врати во тимот, откако една година паузираше поради повредата на коленото. Со заминувањето на Лионел Меси, клубот му ја додели „десетката“.

„Бројот 10 не претставува притисок туку мотивација. Никој не може да биде како Меси, или како Пујол и Чави. Јас ќе одам по мојот пат. Можеше „десетката“ да ја добие некој друг, за среќа дојде кај мене. Благодарен сум им на капитените што ми ја понудија“, рекол Фати на денешната прес конференција.

Минатата недела поранешниот претседател на Барселона, Џосеп Марија Бартомеу, откри дека минатото лето одбил 150.000.000 евра од еден англиски клуб за Фати.

„Од првиот ден на мојот менаџер му кажав дека сакам да остана тука. Можеби имав понуди, но секогаш знаев дека сакам да растам и да успеам во Барселона“.

Каталонците и Фати, во недела ги очекува најголемото дерби, на „Ноу Камп“ ќе гостува Реал Мадрид.

Тиери Анри, Џејми Карагер и Мика Ричардс, синоќа беа стручни коментатори на „Скај спорт“, за натпреварите во Лигата на шампионите. Во текот на паузата, одговараа на прашањата поврзани со нивните кариери.

Тројцата одговориле на прашањето против кој играч им бил најтежок противник?

Карагер рекол „Анри“, Ричардс „Герет Бејл“, а Анри „Тарибо Вест“.

„Пол Сколс и како директен ривал од минатото Тарибо Вест. Интер, Оксер…Беше специјалец за чување на противник, секаде ве следи, дури и во соблекувалната“, рекол Анри.

Ричардс и Карагер само констатирале: Тарибо Вест, Нигерија“.

Анри и Вест беа ривали неколку сезони во француското првенство, како играчи на Монако и Вест. Потоа ривалството краток период се префрли во Италија додека играа за Јувентус и Интер.

Most difficult opponent for Henry? Taribo West. Obviously a @cm0102legends fan https://t.co/xudgoyYpgP

— Dave Black (@cm9798) October 21, 2021

Ждрепката за Светското првенство во Катар ќе се одржи на 1.април наредната година. Групите за Мундијалот ќе бидат извлечени ден по Конгресот на ФИФА во Доха. На денот кога ќе биде извршена ждрепката нема да бидат познати имињата на сите учесници на Светското првенство.

Досега пласман на Мундијалот обезбедија три репрезентации, домаќинот Катар, односно Германија и Данска од европската квалификациска зона.

Во моментот кога ќе се влечат групите, нема да бидат познати имињата на победниците во Интерконтиненталните баражи.

ФИФА, шеширите од кои ќе бидат одредувани составите на грушите ќе ги одреди според пласманот на нејзината листа.

Мундијалот во Катар ќе се одржи од 21.ноември до 18.декември 2022 година.