Спорт
Мбапе најскап во свет, Меси дури осми, Роналдо не е меѓу 10-те
За многумина Лео Меси е најдобриот играч на сите времиња, но моментно тој не е ниту блиску на листата на највредни фудбалери во светот, според „Трансфермаркт“.
Аргентинецот е на осмата позиција, а Португалецот Кристијано Роналдо воопшто го нема во првата десетка.
1.Килијан Мбапе – (ПСЖ) – 200 милиони евра
Со само 21 година има освоено Светско првенство, а како од шега ги тресе мрежите во Лига 1. Има уште многу да понуди.
2. Рахим Стерлинг – (Манчестер Сити) – 160 милиони евра
Крилото на англиската репрезентација вреди исто колку и Нејмар, а неговото напуштање на „Итихад“ не изгледа како нереална опција.
3. Нејмар – (ПСЖ) – 160 милиони евра
Вредноста на Бразилецот падна од времето кога ја напушти Барселона, во 2017 година. Сепак, неколку клубови се силно заинтересирани за неговите услуги.
4. Садио Мане – (Ливерпул) – 150 милиони евра
Уште еден играч кој игра одлично под водство н Јирген Клоп, во екипата која е на чекор до титулата во Премиерлигата.
5. Мохамед Салах – (Ливерпул) – 150 милиони евра
После неколку одлични сезони на „Енфилд“, неговата цена растеше, останува да се види дали таа ќе падне со испаѓањето на „црвените“ од ЛШ сезонава.
6. Хари Кејн – (Тотенхем) – 150 милиони евра
Симболот на Тотенхем и на Англија, еден од најубиствените напаѓачи последниве 5 години. Сега има мака со повреда.
7. Кевин де Брујне – (Манчестер Сити) – 150 милиони евра
Еден од најважните играчи во тимот на Пеп Гвардиола.
8. Лео Меси – (Барселона) – 140 милиони евра
Меси има откупна клаузула од 700 милиони евра, но има и слобода летово да си оди како слободен играч.
9. Џејдон Санчо – (Борусија Дортмунд) – 120 милиони евра
Крилото на Борусија (Д) е еден од напаѓачите кој најмногу ветува, а зад има две одлични сезони откако го напушти Сити. Без сомнеж тој ќе биде еден од најбараните летово.
10. Антоан Гризман – (Барселона) – 120 милиони евра
Французинот за истата сума минатото лето од Атлетико прејде во Барса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.