Спорт
„Мбапе нема да го напушти ПСЖ“

Спортскиот директор на ПСЖ, Леонардо, очекува Килијан Мбапе да го продолжи договорот со клубот. Младиот напаѓач има договор со ПСЖ до јуни наредната година. Тој одби неколку понуди да ја продолжи верноста кон клубот, негова желба е да го облече дресот на Реал Мадрид.
Килијан Мбапе во летиот преоден рок јасно стави до знаење дека сака да се пресели во Реал. ПСЖ одби 200 милиони евра за неговиот трансфер. Доколку не го убедат да остане во ПСЖ, тогаш Мбпае наредното лето без обесштетување ќе замине од ПСЖ.
„Килијан е неверојатен играч. Ние формиравме неверојатен трилинг во нападот: Меси – Нејмар – Мбапе. Се надеваме дека овој трилинг ќе игра заедно повеќе од една година“, порачал Леонардо и дополнил.
„Мислам дека Килијан нема да го напушти клубот. Новиот договор? Тоа е нашиот приоритет“.
Леонардо е убеден дека Мбапе ќе остане во Париз.
„Што ако замине? Искрено, никогаш не сум размислувал на таа тема. Не го гледам сценарио според кое тој би заминал. Тоа не можеме да го замислиме“, рекол Бразилецот во емисијата на „Канал+“.
Мбапе е играч на ПСЖ од 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал го договори трансферот на Инкапие

Спортскиот директор на Арсенал беше исклучително активен во преодниот рок. Резултатот на таа активност е рекордно трошење за засилувања, што беше заокружено со договорот за трансфер на Пјер Инкапие од Баер Леверкузен.
Постигнат е договор помеѓу Арсенал и Баер Леверкузен. Според него, Арсенал ќе му плати на Баер 52 милиони евра со бонуси.
Со овој трансфер, бројката што „топџиите“ ја потрошија за трансфери ова лето е 345 милиони евра, што е клупски рекорд. Во клубот пристигнаа осум нови фудбалери.
Мартин Зубименди беше платен најскапо, 70 милиони евра на Реал Сосиедад. Еберечи Езе беше платен малку помалку на Кристал Палас (69,3 милиони евра), а над 60 милиони беа платени за Виктор Ѓекереш Спортинг (65,8 милиони евра). Нони Мадуеке од Челзи беше платен 56 милиони евра.
Кристијан Москера беше доведен од Валенсија за 15 милиони евра, Кристијан Норгард од Брентфорд за 11,6 милиони евра, а уште еден играч беше доведен од Челзи. Кепа Аризабалага за само 5,8 милиони евра.
Фото/ Принтскрин
Спорт
(Видео) Србија ја победи Португалија – Петрушев исклучен, Богдановиќ се повреди, а селекторот Пешиќ во клинч со Мициќ

Најголемиот фаворит за златниот медал на Евроското првенство во кошарка, Србија, потешко од очекувањата ја победи Португалија во второто коло со 80:69.
Србите не беа на ниво, селекторот Пешиќ реше дека со „главите биле на некое друго место“, до победата ги предводеа Никола Јокиќ со 23 поен и 10 скока, односно Никола Јовиќ со 18 поени.
Покрај лошата игра Србите се соочија со неколку проблеми по овој натпревар.
На почетокот на мечот поради неспортски потег, удриање на противнички играч беше исклучен Филип Петрушев. Медиумите шпекулираат дека крилниот центар ќе нема да помине само со исклучувањето, туку и дека ќе добие суспензија од ФИБА.
Isključen Petrusev pic.twitter.com/c572wGNqXv
— sportnadlanu (@klikclick191174) August 29, 2025
Во финишот на првото полувреме се повреди капитенот Богдан Богдановиќ. Веднаш го нашушти теренот и повеќе не се врати во игра. Селекторот Пешиќ на прес конференцијата информира дека Богдановиќ ќе мора да оди на дополнителни прегледи за да се утврди степенот на повредата.
— OvoOno (@OvoOnoX) August 29, 2025
И за крај, на почетокот на последната четвртина, селекторот Пешиќ остро реагираше кога Василије Мициќ нерезонки заврши една акција во нејзиниот зачеток, шутна тројка во раната фаза од нападот. Пешиќ го повлече Мициќ од игра, а на клупата имаше жесток разговор со него.
Србија во сабота од 17 часот игра против домаќинот Летонија.
Foto/ FIBA
Спорт
(Видео) Милан ги победи Лече и ВАР-от

Милан ја оствари својата прва победа во Серија А оваа сезона, откако го победи Лече со 2:0 во второто коло.
Исклучително важна победа за Милан. Не само поради поразот во првото коло на „Сан Сиро“ против Кремонезе, туку и поради значителни персонални проблем. Сепак, Масимилијано Алегри ја забележа првата победа во својот повратнички мандат.
Рубен Лофтус-Чик го отвори резултатот во Лече во 66-та минута. Со асистенција на најголемото засилување Лука Модриќ. Сепак, пред тоа Милан постигна уште два гола, но двата беа поништени од ВАР. Прво, веќе во четвртата минута, голот на Габија поради прекршок, а потоа во 60-та минута, голот на Хименез поради офсајд.
Кристијан Пулишиќ му го зададе последниот удар на Лече во 86-та минута.
Фото/ Принтскрин