Жан-Филип Матета е бесен на Кристал Палас, откако пропадна неговиот потенцијален трансфер во Јувентус.

Напаѓачот, односно неговиот менаџер, лесно постигнал договор со Јувентус околу платата, но Кристал Палас не успеа да се договори за обештетување со Јувентус. Клубот од Лондон бараше Јувентус веднаш да го исплати трансферот, додека италијанскиот клуб понуди позајмица со право на откуп по завршувањето на сезоната.

И покрај тоа што му пропадна трансерот, не значи дека Матета дека ќе остане во Кристал Палас.

Астон Вила продолжува да покажува интерес за Матета и како што сега стојат работите од Бирмингем се подготвени да ја платата сумата што ја бара Кристал Палас.

За Матета, клубот од Лондон бара 35 милиони фунти (околу 40 милиони евра / 47 милиони долари).

Foto/ depositphotos

По убедливата победа на Реал Мадрид над Монако во Лигата на шампионите (6:1), Винисиус Жуниор се осврна на натпреварот и на својот настап, нагласувајќи дека играта на целиот тим е клучна за тој да ја покаже својата најдобра верзија.

Бразилскиот фудбалер, исто така, призна дека изминатите неколку дена му биле тешки поради критиките и свирежите од трибините. Против Монако, тој се истакна со две асистенции и еден гол.

„Секогаш сум во центарот на сè она што се случува, не сакам да бидам во центарот на вниманието поради работи надвор од теренот. Сакам да се зборува за мене поради она што го направив за овој клуб“, рече тој.

Свирежите на стадионот „Сантијаго Бернабеу“ особено го погодија, вели тој. „Не сакам да слушнам свирежи во мојата куќа, каде што се чувствувам многу удобно. На последните натпревари не се чувствував удобно бидејќи ме свиркаа секој пат кога ќе направев нешто погрешно“.

Иако ги прифати критиките како дел од работата бидејќи навивачите „плаќаат многу скап билет“, тој јасно стави до знаење дека нема намера да отстапи од својот пат: „Го знам мојот потенцијал, знам колку далеку можам да одам. Тука сум за да продолжам да се подобрувам и секогаш се борам за овој клуб“.

На крајот испрати смирувачка порака за својата иднина во клубот. „Имам уште една година од мојот договор. Му верувам на претседателот, тој ми верува и ќе решиме сè во вистинско време. Нема брзање“, рече Винисиус, заклучувајќи дека сака да остане во Мадрид долго време.

Винисиус е во Реал од 2018 година и освои сè што е можно со клубот. Во 352 натпревари, постигна 113 гола и асистираше за 94.

Foto/ depositphotos

Полицијата на португалскиот остров Мадеира е во потрага по маж кој ја запали статуа на Кристијано Роналдо, го снимил неговиот чин и го објавил на интернет. Инцидентот се случил во Фуншал, главниот град на Мадеира и родното место на Роналдо.

На видеото се гледа како млад човек истура запалива течност врз бронзена реплика на фудбалерот и ја пали со запалка. Потоа танцува на рап музика. Видеото завршува со тоа што тој покажува среден прст на статуата.

Видеото е снимено во вторник наутро во музејот CR7 и објавено на профилот на Инстаграм под корисничкото име „zaino.tcc.filipe“, каде што авторот е опишан како „личност, фристајлер и локален човек“.

Тој оставил порака со видеото: „Ова е последното предупредување од Бога“.

Во времето на објавувањето, не беше познато дали статуата претрпела трајна штета. Иако пожарот првично се проширил, пламенот брзо бил изгаснат. Патем, статуата веќе беше цел на вандали во 2016 година, кога беше оштетена од навивачите на Лионел Меси.

Бронзената статуа, висока околу 3,3 метри, беше откриена кон крајот на 2014 година во Фуншал, а на церемонијата присуствуваа самиот Роналдо и неговото семејство.

„Ова е многу посебен момент, да имам моја статуа“, изјави тогаш славниот фудбалер.

Во јануари 2016 година, откако Меси ја освои својата петта Златна топка, вандалите напишаа „Меси 10“, со црвена боја на грбот на статуата.

По тој инцидент, статуата беше преместена на нејзината сегашна локација, веднаш до музејот на Роналдо.

Портпаролот на Музејот CR7 потврди дека полицијата се занимава со случајот. Полициски извор во Фуншал им изјави на локалните медиуми: „Сторителот на ова злосторство е идентификуван. Тој е познат овде поради слични претходни ситуации“.