Премиерлигашот Вест Хем сака да се засили во зимскиот преоден рок. Желбата е во Лондон да биде доведен 23-годишниот Бразилец од швајцарски Базел – Артур Кабрал, објавија швајцарските медиуми.

Сепак, англискиот клуб има сериозен конкурент во екипата на Барселона.

Минатата недела од Вест Хем разговарале со застапниците на бразилскиот голгетер, а најновите информации се дека „чеканите“ понудиле 20 милиони евра за Кабрал.

Бразилецот сезонава има 20 настапи во сите натпреварувања, а постигна 22 гола.

Минатата сезона на 36 меча за Базел постигна 20 гола. Договорот со швајцарскиот клуб му истекува во 2023 година.

Шпанскиот фудбалер од средниот ред, Андрес Иниеста веќе некое време се наоѓа во фаза кога може во секој миг да стави крај на богатата фудбалска кариера. Има полни 37 години, а кога пред 3 години си замина од редовите на Барселона, оттогаш е во редовите на јапонски Висел Кобе.

Шпанецот со актуелниот тим има договор до 2024 година се уште воодушевува со своите партии.

Иако Висел Кобе на последниот меч против Јокохама загуби со 2-0 на домашен терен, сепак Иниеста се најде во центарот на вниманието поради серијата дриблинзи.

Литванскиот кошаркарски центар – Јонас Валанчиунас се чини го одигра мечот на кариерата, ноќеска со неговите Њу Орлеанс Пеликанс против ЛА Клиперс. Тој мечот го заврши со 39 поени, а Пеликаните славеа со 123-104.

Она што привлече најголемо внимание е неговиот шут за три поени. Во првото полувреме центарот за само 16 минути игра уфрли 7 тројки од исто толку обиди.

Валанчиунас имаше и 15 скока. Тој е само шестиот играч во историјата на НБА лигата кој успеал да погоди 7 тројки без промашување, за едно полувреме. Претходно тоа го сториле Тревор Ариза, Стеф Кари, Бен Гордон, Шон Вилијамс и Лаф ла Френс.

Интересно е што по мечот на социјалните мрежи се шегуваа со Литванецот – бараа да му биде направен тест на дрога.