Спорт
Медведев и Циципас го минаа третото коло

Данил Медведев и Стефанос Циципас се пласираа во осмина-финалето на Австралија опен. Пласман во оваа фаза, прв пат во кариерата, избори и Тејлор Фриц. Американецот во драматичен меч го победи Роберто Баутиста Агут.
Медведев не блескаше, одигра колку што му е потребно за да го победи Холанѓанецот, Ботик ван де Зандшулп. Рускиот тенисер победи со 6/4, 6/4, 6/2. Победникот го реши искуството и неизнудените грешки. Холанѓанецот направи 32, односно 12 повеќе од Медведев.
За пласман во четврт-финалето, Медведев ќе игра против Максим Керси од САД. Керси во четири сета го совлада сонародниот Кристоф О’Конел (6/2, 6/7, 6/3, 6/2).
Четвртиот носител, Стефанос Циципас, одигра четири сета против Беноа Пер. Гркот за два часа и 42 минути славеше победа 6/3, 7/5, 6/7, 6/4.
Противник во осмина-финалето ќе му биде Тејлор Фриц. Американецот, во 22 обид успеа да го мине третото коло на еден од гренд-слем турнирите. Во драматичен меч, Фриц го победи фаворизираниот Шпанец, Баутиста-Агут со 3:2 (6/0, 3/6, 3/6, 6/4, 6/3).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јувентус го договори Жегрова и го испрати Гонзалес во Атлетико

Јувентус, во финишот на преодниот рок обезбеди важно засилување. Поранешниот фудбалер на Лил, Едон Жегрова доаѓа во Јувентус. Во исто време клубот ќе го напушти Нико Гонзалес.
Косовскиот репрезентативец пристигнува од француски Лил, каде што играше претходните три сезони и се профилираше како еден од најдобрите играчи во Лига 1 на позицијата офанзивен играч за врска.
Жегрова ќе му се придружи на својот поранешен соиграч од Лил во Јувентус, Канаѓанецот Џонатан Давид, кој исто така им се придружи на Бјанконерите ова лето, но како слободен играч.
Италијанските медиуми објавуваат дека Јувентус ќе му плати 15 милиони евра на Лил
За репрезентацијата на Косово досега одигра 42 натпревари и постигна пет гола.
Исто така, на претпоследниот ден од преодниот рок, раководството на „старата дама“ ја прифати понудат од Атлетико за Аргентинецот, Нико Гонзалез.
Сезонава, Нико ќе настапува како позајмен играч во Атлетико. Клубот од Мадрид ќе плати еден милион евра за позајмицата.
На крајот од сезоната, во завосност од настапите, Атлетико ќе може да го откупи договорот на Аргентинецот за за сума помеѓу 20 и 30 милиони евра.
Фото/ Принтскрин
Спорт
(Видео) Шок во Милано, Удинезе го победи Интер

Вицепрвакот на Италија и Европа, Интер доживеа шокатнтен пораз на „Џузепе Меаца“ во второто коло, во Серија А. Удинезе победи со 2:1.
Интер поведе во 17-та минута со голот на Дензел Дамфрис по додавањето на Маркус Турам.
Во 26-та минута, Дамфрис играше со рака во шеснаесетникот. Во првиот момент, судијата покажа дека нема пенал, но доби сигнал од ВАР собата. Откако ја провери снимката, ја промени својата одлука. Кенин Дејвис беше прецизен во 29-та за 1:1.
Во 40-та минута, Артур Ата прими одлична топка на работ од шеснаесетникот и брилијантно постигна гол за водство на гостите.
Мрежата на Удинезе се тресеше во 56-та минута, но по проверката на ВАР, голот на Федерико Димарко беше поништен поради офсајд.
Подоцна, Интер имаше одлична можност преку Турам, но не успеа да освои барем бод на овој натпревар.
Foto/ EPA/MATTEO BAZZI
Спорт
(Видео) Влаховиќ за победа на Јувентус во Џенова
Фудбалерите на Јувентус ја победија Џенова на гостински терен во второто коло од Серија А со 1:0.
Единствениот стрелец беше српскиот фудбалер Душан Влаховиќ во 73-та минута, на асистенција на неговиот сонародник Филип Костиќ.
Јувентус изгледаше лошо во поголемиот дел од натпреварот, се мачеше да создаде шанса, па Џенова лесно ги одбиваше нападите на противникот.
Клучен момент беше 70-минута кога тренерот Игор Тудор на теренот ги испрати Влаховиќ и Костиќ. Три минути подцна српската врска му ја донесе победата.
Во следното коло Јувентус го очекува големото дерби против Интер.
Foto/ corriere.it