Спорт
Медведев ќе може да игра на Вимблдон само ако јавно се откаже од Путин
Британскиот министер за спорт, Најџел Хадлстон, објави важна вест за руските и за белоруските тенисери. Апсолутно никој на Вимблдон нема да може да настапи под руското и белоруското знаме. Тоа значи дека Данил Медведев ќе може да настапи само ако јавно го осуди рускиот претседател Владимир Путин.
„Треба да се погрижиме Русите кои ќе играат на Вимблдон воопшто да не го поддржуваат Владимир Путин, а размислуваме што да правиме за да добиеме гаранции. Првиот чекор е јасно да се дистанцираат од Владимир Путин, неговите ставови и постапки. Нема шанси да дозволиме веење на руски знамиња, но и појавување на оние кои на било каков начин го поддржуваат Путин и неговиот режим“, изјави министерот за спорт на Велика Британија.
Русите се меѓу елитата во светскиот тенис. Андреј Медведев е број еден на АТП-листата, а неговиот истоименик Рублев е седми, Аслан Карачев е на 22. место.
Белорусинката Арина Сабаленка е трета во светот, нејзината сонародничка Викторија Азаренка е на 15. позиција, додека Русинката Анастасија Пављученкова е едно место пред неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

