Наполи, со Елиф Елмас како замена, пропуштија 0:2 водство на тешкото гостување кај Сасуоло, за да се задоволат со 2:2 и да дозволат Милан да се доближи на само еден поен откако „росонерите“ му ја расипаа вечерта на својот поранешен напаѓач, Андриј Шевченко, победувајќи ја неговата Џенова со 3:0 на „Луиџи Ферарис“, каде што Горан Пандев исто така доби шанса како замена.

Во Џенова, Златан Ибрахимовиќ ги „начна“ домаќините уште во 10. минута со прекрасен гол од слободен удар, по што на сцена стапи Бразилецот Жуниор Месијас, кој првпат беше стартер за „росонерите“ во Серија А и врати со два гола во 45. и 61. минута од мечот. Месијас, да потсетиме, донесе драматична победа на Милан на гостувањето кај Атлетико Мадрид за заддржување на шансите за пласман во осминафиналето.

Во Реџо Емилија пак, Сасуоло беше далеку посериозен ривал за Наполи. Гостите го отворија резултатот преку Фабијан Руиз во 51. минута, пред Дрис Мертенс да ја продолжи голгетерската серија само 11 минути подоцна. Џанлука Скамака намали на 1:2 во 72. минута, пред Џанмарко Ферари во 89. минута да израмни на 2:2, по што следуваше вистинска драма во финишот кога Сасуоло постигна уште еден гол

Ремито значи дека Наполи остануваат први со 36 поени, но сега Милан имаат 35 на второто место, а Интер се трети со 34 поени.

СЕРИЈА А, 15.КОЛО

Џенова – Милан 0:3

Сасуоло – Наполи 2:2



(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-37475”));

Алборг стигна до импресивна 34:30 победа над Пик Сегед во дербито во групата А во Лигата на шампиони на ЕХФ, дозволувајќи Монпелје по тесниот 24:23 триумф над ППД Загреб да се одвои на првото место по девет одиграни кола.

Алборг веќе по 15 минути игра имаше 10:5 водство против унгарскиот шампион, но Пик Сегед неколку пати успеа да дојде на гол-разлика, за во финишот данскиот клуб да ја комплетира работата за импресивна победа. Николај Кристенсен постигна 9 гола за Алборг, а Лукас Сандел додаде 8 за да се израмнат на 12 поени со Пик Сегед на второто/третото место, додека Монпелје сега се лидери со 15 поени.

Францускиот клуб, пак, наиде на „жилавите“ ППД Загреб, за на крајот да стигнат само до победа со еден гол разлика. Карл Валиниус имаше 5 гола за Монпелје, додека Иван Чупиќ имаше исто толку голови за гостите.

ЕХФ ЛИГА НА ШАМПИОНИ

ГРУПА А

Алборг – Пик Сегед 34:30 (16:14)

Монпелје – ППД Загреб 24:23 (14:12)

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-2465-37565”));

ВТА турнејата, професионалната женска тениска турнеја, ги суспендираше сите турнири во Кина поради „исчезнатата“ поранешна тенисерка Пенг Шуаи, и покрај тоа што Интернационалниот олимписки комитет (ИОЦ) и нивниот претседател Томас Бах разговараа со неа и беа убедени дека нејзиниот живот не е во опасност и дека таа е слободна.

Сагата започна на 2 ноември, кога Пенг Шуаи го обвини поранешниот кинески вице-премиер за сексуален напад на кинеската социјална мрежа „Веибо“, но постот бргу беше избришан, по што се шпекулираше дека таа „исчезнала“. По кампањата на дел од тенисерите и тенисерките, кинеските медуими објавија видеа и фотографии од Пенг, а ИОЦ организираше разговор со неа, но ВТА реши дека мора да се направи нешто повеќе.

„Пенг Шуаи ни покажа колку е важно да се зборува, посебно за сексуални напади и посебно кога се вклучени моќни луѓе. Како што Пенг кажа во пораката: ‘Дури и ако е како кога јајце удира во камен, или молец кој оди кај огнот, барајќи самоуништување, ќе ја кажам вистината за тебе’. Таа ја знаеше опасност и излезе со виситната. Кинеските официјални лица го цензурираа ова и не успеаја да докажат дека Пенг е слободна и дека може да зборува без да биде застрашена. Со целосна поддршка на бордот на директори, објавувам целосна суспензија на сите ВТА турнири во Кина, вклучувајќи го и Хонгконг. Не можеме да побараме нашите спортисти да се натпреваруваат додека Пенг Шуаи не може да зборува. Не гледам како можеме да имаме турнири во Кина во 2022 година“, се вели во објавата на претседателот на ВТА, Стив Сајмон.

Пенг е безбедна, гарантира претседателот на ИОЦ по видео-разговорот

Кина објави две бизарни видеа да докаже дека Пенг е „слободна“