Спорт
Медведев со камбек до победа на стартот во Торино
Светскиот рекет број 2, и актуелен шампион од АТП финалето, Данил Медведев имаше одличен старт на овогодишниот завршен тениски турнир во Торино, откако се врати од сет негатива за 6:7(5)/6:3/6:4 победа над дебитантот, Полјакот Хуберт Хуркач.
Хуркач почна фантастично, но не успеа да направи ниту еден брејк против Медведев, добивајќи го првиот сет во тај-брејк со 7:5, по што Русинот се врати во својот ритам, со стабилна игра, за да ги освои следните два сета со по еден брејк.
Вечерва се игра и вториот меч од Црвената група, во кој Александер Зверев го пречекува домашниот фаворит, Матео Беретини, додека утре почнуваат натпреварите во Зелената група, каде што се светскиот број 1 Новак Ѓоковиќ, кој брка 10. титула на завршниот турнир, како и Стефанос Циципас, Андреј Рубљов и норвешкото изненадување Каспер Руд.
АТП ФИНАЛЕ, ТОРИНО, ЦРВЕНА ГРУПА
Данил Медведев (Рус) – Хуберт Хуркач (Пол) 6:7(5)/6:3/6:4
Александер Зверев (Гер) – Матео Беретини (Ита) 21.00 ч.
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-90830-39671”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.