Бен Афлек и Џенифер Гарнер и по разводот останаа во пријателски односи, но медиумите пишуваат дека тие се заедно во последно време.

Папараците ги снимиле за време на заедничко возење во Лос Анџелес, а според магазинот „Пипл“, Џенифер пред тоа му доставила појадок на Бен и останала со него некое време.

„Тие секогаш ќе бидат блиски затоа што имаат деца и одржуваат пријателски сородителски односи“, рекол извор близок на актерите откако заедно го прославиле Денот на благодарноста.

Бен и Џенифер учествуваа во хуманитарна акција со своите деца и доброволно се пријавија во Полноќната мисија во Лос Анџелес, служејќи им топли оброци на повеќе од две илјади бездомници.

Фотографиите кои тогаш се појавија ги изненадија сите фанови на актерот бидејќи по долго време беше фотографиран насмеан и расположен. Откако го поминале тој празник заедно, извори тврдат дека децата ги замолиле да го поминат и Божиќ заедно. Наводно познатите родители решиле да им ја исполнат таа желба.

„Џен навистина сака нејзините деца да бидат среќни. Таа ќе продолжи да се грижи да поминуваат време заедно како семејство, а тоа го вклучува и Бен. И тие имаат божиќни планови со децата. Децата уживаат да поминуваат време заедно”, открил изворот.

Гарнер и Афлек беа во брак од 2005 до 2018 година, а и потоа останаа во одлични односи поради нивните деца – Виолета (18), Серафин (15) и Семјуел (12).

Бен беше во врска со актерката Ана де Армас, а во 2022 година се ожени со Џенифер Лопез, но нивниот брак заврши оваа година. Џенифер Гарнер денес е во врска со претприемачот Џон Милер.

Поранешната сопруга на канадскиот премиер Џастин Трудо, Софи Грегоар Трудо, проговори за нивниот развод кој го шокираше светот во август 2023 година. Во едно недамнешно интервју, поранешната телевизиска водителка сподели како се справила со крајот на нејзиниот 18-годишен брак и откри детали за нивната сегашна врска.

„Научив да се справувам со неизвесноста. Научив да ги прекинувам врските и да не се врзувам премногу за животот, другите луѓе и односите“, изјавила Софи за „Телеграф“.

Како учителка по јога и медитација, таа истакнува дека практиката на саморегулација и помогнала во процесот на лекување.

Имено, Софи силно се противи на општественото гледање на бракот како успех и разводот како неуспех.

„Кога размислуваме така, не само што покажуваме емоционална незрелост, туку оставаме трауматично емотивно наследство на децата кои не треба да го поднесуваат“ нагласува таа.

И покрај разводот, Софи и Џастин одржуваат блиски односи поради децата.

„Се уште се дружиме заедно: се сакаме, поминуваме време заедно. Се е природно и тоа е во ред“, објаснува Софи.

Таа и Џастин се запознале кога биле деца – таа била училишна пријателка на неговиот помал брат. Откако нивните патишта се разделиле за време на нивните студии, тие повторно се сретнале во 2003 година кога заедно биле домаќини на хуманитарен настан. Тие се венчаа во 2005 година и добија три деца: Хавиер (17), Ела Грејс (15) и Адриен (10).

Кога Џастин Трудо стана премиер во 2014 година, Софи призна дека на почетокот и било тешко да се прилагоди на животот во центарот на вниманието. Преселбата во службената резиденција била посебен предизвик, иако таа секогаш се трудела да ја одржи нормалноста на семејниот живот.

Денес, Софи е домаќин на онлајн сесии „Дневна соба“, каде што споделува мислења и води интервјуа со експерти за ментално здравје. Таа, исто така, неодамна објави мемоари, „Поблиску заедно: Да се запознаеме себе и да се сакаме едни со други“, во кои се занимава со теми за ментално здравје и раст.

Иако разводот беше болен, што Софи го опиша со зборовите – „толку ме болеше тоа што морав да ја изберам автентичноста наместо приврзаноста“, поранешните сопружници остануваат поврзани преку заедничка љубов кон нивните деца и меѓусебно почитување.

Холивудскиот актер Бред Пит ја тужи својата поранешна сопруга Анџелина Џоли поради имотот „Шато Миравал“, каде што се произведува наградуваното розе.

Имотот се простира на 1.300 хектари во Прованса, јужна Франција, а парот дури и се венча таму во 2014 година.

Врховниот суд во Лос Анџелес ги потврди тврдењата на Бред дека Џоли го продала својот удел без негова согласност, што таа се обиде да го отфрли.

Тоа значи уште една судска победа на страната на актерот бидејќи судот ги отфрли наводите дека неговата тужба е „несериозна, злонамерна и проблематична“.

Битката за винарницата досега се водеше во судниците во Франција, Луксембург и во Лос Анџелес.

Медиумите претходно објавуваа дека актерот бил шокиран кога Џоли ја продала својата половина од нивната винарница, без заеднички договор, на рускиот тајкун Јури Шефлер и неговата група Столи.