Спорт
Медведев удри и по фановите на Австралија опен: Имаат ниска интелигенција

Светскиот рекет број 1, Данил Медведев немаше големи симпатии кон дел од публиката во Мелбурн откако го победи домашниот фаворит Ник Кирјос, откако прво им порача да покажат „малку респект“, а потоа во интервју посочи дека имало дел од публиката „со ниска интелигенција“.
Русинот остана смирен под притисок за победа во четири сета, а потоа во разговор со двократниот шампион од Австралија, Џим Куриер беше запрашан како успеа да остане концентриран.
„Тоа е единствениот избор кога те свиркаат помеѓу првиот и вториот сервис, не е лесно, мораш само да останеш смирен и да победиш“, изјави Русинот, предизвикувајќи голем број на свирежи од публиката. Куриер се обиде да објасни дека бучавата можеби од извиците „Сиу“ во стилот на Кристијано Роналдо (што стана хит оваа сезона), но Медведев продолжи: „Момци, не можам да го слушнам. Покажате малку респект за Џим Куриер. Тој победи двапати тука. Ако почитувате некого, тогаш почитувајте го него“.
He made his feelings known…@DaniilMedwed | #AusOpen pic.twitter.com/18J7Kr39yx
— Live Tennis (@livetennis) January 20, 2022
25-годишниот Русин потоа напиша „Сиууу“ на камерата по крајот на мечот, а во следното интервју со „Јуроспрт“ отиде подалеку.
„Нормално е такво нешто, посебно кога не играш само против домашен фаворит, туку против Ник. Имам брејк на втор сервис и луѓето веќе се радуваат како да си направил двојна сервис грешка. Разочарувачки е, знам дека не го прават сите тоа, туку тие со ниска интелигенција“, додаде Медведев.
? "Those who are doing it ???????? ???? ? ??? ??"
Daniil Medvedev doesn't hold back with his scathing assessment of the Australian Open crowd ?#AusOpen | @DaniilMedwed pic.twitter.com/TvG66zwIQN
— Eurosport UK (@Eurosport_UK) January 20, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) ВАР спас за Јунајтед – „Црвените ѓаволи“ во 97. минута го победија Барнли

Манчестер јунајтед и Рубен Аморим ја забележаа првата победа во сезоната. Јунајтед го победи Барнли со 3:2, со гол од пенал во 97.минута.
Два пати водеше Манчестер Јунајтед, но залудно. Прво по автоголот на Кулен, а потоа и преку Ембумо, сепак, тоа не беше доволно.
Прво Фостер го израмни резултатот, а потоа и Антони.
Сепак, токму Антони беше тој што непотребно го повлече Диало на почетокот од судиското продолжение, а откако ја прегледа ВАР снимката, судијата досуди пенал.
Бруно Фернандес ја презеде одговорноста и погоди во 97.минута за голема радост на „Олд Трафорд“.
Борнмут славеше на гостински терен против Тотенхем и ја заврши непобедливоста на Спарс, кои имаа два триумфа на почетокот од првенството – 1:0.
Натпреварот беше решен веќе во петтата минута, кога Сенеси го проигра Еванилсон, а Бразилецот го совлада Викари со помош на Ромеро.
Сандерленд со два гола во последните 10 минути го победи Брентфорд со 2:1, додека Евертон победи во Вулверхемптон со 3:2
Foto/ EPA
Спорт
Пјастри „за влакно“ го победи Норис за пол-позиција во Зандворт

Оскар Пјастри, лидерот во генералниот пласман во шампионатот на Формула 1, ја освои пол-позицијата пред трката за Големата награда на Холандија. Австралиецот во борбата за пол-позицијата го победи тимскиот колега Ландо Норис, кој доминираше на тренинзите и во првите два квалификациски сесии.
Пјастри ја освои пол-позицијата со најбрзиот круг во историјата на Зандворт, 1:08.662. Норис задоцни 12 илјадити делови од секундата зад тимскиот колега.
Вториот ред им припадна на Макс Ферстапен од Ред Бул и изненадувањето Исак Хаџар од Рејсинг булс.
Следуваат возачите на Мерцедес и Ферари, Џорџ Расел и Шарл Леклер. Следуваат Луис Хамилтон (Ферари), Лијам Лосон (Рејсонг булс) и Шпанците од Вилијамс и Астон Мартин, Карлос Саинц и Фернандо Алонсо.
Трката за Големата награда на Холандија, в недела ќе започне во 15 часот. Пјастри во генералниот пласман има девет поени повеќе од Норис.
Foto/ sportsorca.com
Спорт
(Видео) Челзи го победи Фулам – Гостите се жалат на судењето

Денот во Премиер лигата започна со победата на Челзи против Фулам, 2:0 (1:0). Ќе се анализира судењето на овој натпревар, впечаток е дека судијата два пати ги оштети Фулам.
Не започна добро за „сините“, веќе во 14-та минута Мареска беше принуден да направи замена бидејќи Делап се повреди, а потоа само седум минути подоцна Фулам постигна гол.
Марко Силва беше бесен. И со право, кога голот на Кинг беше поништен по долгата ВАР проверка поради ситуација која можеше, а и не мораше да се окарактеризира како фаул.
Гневот на Силва дополнително се зголеми во десетата (од предвидените осум) од судиското продолжение во првото полувреме кога Челзи успеа да ја пробие одбраната на Фулам и да поведе со 1:0 со голот на Жоао Педро кој беше најдобар во скокот по корнер.
Челзи изгледаше поопасно во текот на првиот дел од натпреварот, имаа неколку добри шанси, но Лено го спаси својот гол во два наврати. Нова нервоза за Фулам и Силва – пенал за Челзи во 56-та минута, кој Енцо Фернандез лесно го претвори во 2:0.
Челзи имаше уште неколку шанси подоцна, неколку интересни напади, а Фулам исто така се закани во неколку наврати, но без успех.
Foto/ EPA/DAVID CLIFF