По поразот на Интер од Рома следуваа огромни критики за Симоне Инзаги на кого му се предвидува отказ. Излегоа на виделина многу работи, а контроверзниот Паоло Ди Канио отвори нова тема.

Легендарниот фудбалер на Лацио и на Вест Хем вели дека владее хаос во соблекувалната на Интер.

„Не се поднесуваат, нема емпатија, а ми се чини дека гледаат само на индивидуалните настапи и како да си го спасат угледот. Тоа се многу важни работи, а Интер во основа не може да биде толку лош за да собере четири порази во Серија А“, истакна Ди Канио.

Поранешниот македонски селектор Ѓоко Хаџиевски по само три месеци заминува од клупата на клубот Хата од Обединетите Арапски Емирати. Можеби малку и чудно, со оглед дека тимот пред два дена оствари триумф, сепак, дојде до разделба меѓу Хаџиевски и Хата.

Хаџиевски подолг период работи на далечниот Исток, се уште е најтрофејниот тренер во историјата на Вардар, а работеше и во Пелистер, Силекс, Беласица, ЦСКА Софија, Џубило Ивата, Наџран, Ал-Тавон, и други…

إدارة نادي #حتا تشكر الفترة التي قضاها المدرب جوكيكا في تدريب الفريق الأول وتتمنى له التوفيق pic.twitter.com/XFc4PcO9zs

— نادي حتا الرياضي (@Hatta_fc) October 1, 2022

Под водство на Јирген Клоп, Ливерпул го врати приматот на еден од најдобрите европски клубови. Сепак, оваа сезона работите не тргнаа според очекувањата.

Клоп е на клупата на „црвените“ од 2015 година и со овој тим ја освои Лигата на шампионите и играше уште две финалиња, потоа Суперкупот на УЕФА, Светското клупско првенство на ФИФА, по една титула во ФА купот, Лига купот и Суперкупот на Англија, и многу посакувана и долгоочекувана Премиерлига.

За разлика од претходните, досега оваа сезона резултатите на Ливерпул не се на задоволително ниво за своите навивачи, па се почесто се споменува евентуалното заминување на Клоп од „Енфилд Роуд“.

По седум одиграни натпревари, Ливерпул е деветти во Премиерлигата со само две победи, четири нерешени средби и еден пораз, односно десет бода и веќе заостанува 11 бода зад водечкиот Арсенал.

Ниту во Лигата на шампионите не е подобро. Ливерпул во првото коло беше декласиран од Наполи (4:1), а во второто го совлада Ајакс (2:1) со кого го делат второто место во групата А.

Германскиот стручњак проговори за притисокот под кој е во последно време и не избегна да признае дека напуштањето на „Енфилд Роуд“ би било можно. Сепак, Германецот вели дека тоа ќе се случи само доколку ситуацијата е критична.

„Отсекогаш знаев дека сакам да останам во Ливерпул и да потпишам нов договор. Овде се уште сум на вистинското место, сто проценти. Кога не е така, ќе биде готово. Би било глупаво да не биде така“, изјави Јирген Клоп.

Германецот летово Клоп потпиша нов договор со Ливерпул, кој го врзува со англискиот гигант до 2026 година.