Спорт
Медведев во пет сета го победи 418. тенисер на АТП-листата

Рускиот тенисер Данил Медведев се пласираше во второто коло на Австралија опен, откако со 3:2 во сетови го совлада Тајланѓанецот Кесидит Самреи.
Медведев, петторангираниот тенисер во светот, за три часа и осум минути го победи 418. рангиран на АТП листата со 6:2, 4:6, 3:6, 6:1, 6:2.
Рускиот тенисер одлично го отвори мечот и првиот сет го доби рутински со 6:2. Сепак, Самреи успеа да направи пресврт.
Тајланѓанецот успеа да го добие вториот сет со 6:4, а потоа и третиот 6:3.
Во четвртиот сет Самреи не можеше да го следи ритамот на противникот, Медведев загуби само еден гем и се избори за петти сет. Во во последниот дел од играта доминираше тениерот од Русија, направи два брејка и го заврши мечот.
Негов следен ривал ќе биде квалификантот Лернер Тиен, кој исто така со 3:2 во сетови го совлада Камил Уго Карбели.
Првото коло на Аустралијан опен го минаа: Руне, Беретини, Фриц, Хуркач, Серундоло, Хачанов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Штутгарт победи во Дортмунд, Баер ремизираше во Волсфбург

Нико Ковач неуспешно дебитираше на клупата на Борусија Дортмунд. Во рамките на 21. коло, Шутгарт победи во Дортмунд со 2:1.
Првото полувреме беше здодевно и заврши без голови, вториот дел беше значително подобар.
Гостите поведоа во 50минута, кога со несмасна интервенција Валдемар Антон ја испрати топката во сопствената мрежа.
Домашните не се ни соземаа од шокот, а следеше нов.
Само 12 минути подоцна Сабо ја удвои предноста на својот тим на асистенција на Левелинг.
Јулијан Брант им даде надеж на домашните дека барем можат да дојдат до бод, кога постигна гол во 81. минута.
Дортмунд продолжува да паѓа на табелата во Бундеслигата, сега е на 11. место со 29 бодови. По два порази, Штутгарт забележа голема победа со која се искачи на четвртото место со 35 бодови.
Во ова коло актуелниот првак Баер Леверкузен одигра без голови во Волфсбург. „Фармацевтите“ сега на второто место имаат осум бода помалку од лидерот Баерн.
Резултати:
Борусија Дортмунд – Штутгарт 1:2 (0:0)
Антон 50 (аг), Сабо 62 – Брант 81
Фрајбург – Хајденхајм 1:0 (1:0)
Грифо 30
Хофенхајм – Унион Берлин 0:4 (0:1)
Холербах 24, 87 Љубичиќ 61, Илиќ 73
Мајнц – Аугсбург 0:0
Волфсбург – Баер Леверкузен 0:0
Спорт
(Видео) Регетиги со покер голови ја победи Верона

Фудбалерите на Аталанта успеаја да ја прекинат кратката серија без победа.
Ла Деа беше повеќе од убедлив на гостувањето кај Верона, која победи со 5:0 против тимот предводен од Паоло Занети.
Со оваа победа Аталанта се врати во шампионската трка, а сега заостанува четири бода со натпревар помалку во однос на Интер и Наполи кои се на првите две позиции во Серија А.
Верона во овој натпревар влезе во добро расположение по ремито со Венеција и победата над Монца, но сега доживеа студен туш против тимот од Бергамо.
Напаѓачот на Аталанта, Матео Ретеги постигна четири гола, со што се зацврсти на листата на стрелци во Серија А.
Покрај Италијанецот, за Верона погоди и Едерсон.
Аталанта на тој начин направи одлична увертира пред баражот за осминафиналето на Лигата на шампионите, каде ќе го пречека Клуб Бриж, додека подоцна ќе ги одмери силите со Каљари во домашниот шампионат.
Верона ја очекува уште еден тежок натпревар, бидејќи во следното коло ќе гостува кај Милан.
Спорт
Траката за потписот на Ѓокереш може да почне, Спортинг бара 75 милиони евра

Шведскиот напаѓач Виктор Ѓокерес, кој игра за Спортинг Лисабон, беше апсолутна сензација во изминатата година. 26-годишниот центарфор, кој до пред 20 месеци настапуваше во англиската втора лига, сега го бараат големите клубови. Сезонава на 42 натпревари за клубот и репрезентација постигна 43 гола.
Како 20-годишник, Ѓокереш пристигна во Брајтон од шведската екипа Бромапојкарна. Тој настапи на само осум пати во Премиер лигата и постигна еден гол, па беше испратен на позајмици во Свонси и Ковентри. Ковентри го откупи неговиот договор, а потоа го продаде во Спортинг во јули 2023 година за 24 милиони евра.
Тој експлодираше во својата прва сезона во Португалија, досега постигна 77 гола во 84 настапи за клубот од Лисабон.
Преселбата на Ѓокерес вонекој од најдобрите светски клубови е само прашање на време.
Новинарот Фабрицио Романо за време на преодниот рок, објави дека Спортинг ја одредил сумата за која клубот е подготвен да го продаде напаѓачот.
Во Лисабон би прифатиле 75 милиони евра, колку што е вредноста на Ѓокереш според „Трансфермаркт“.
Англиските медиуми пренесуваат дека за неговиот порпис ќе се борат Манчестер јунајтед, Арсенал и Баерн.