Спорт
Мегапресврт, Нико Вилијамс го продолжи договорот со Атлетик Билбао

Атлетик Билбао објави голема вест на социјалните мрежи. Крилниот напаѓач Нико Вилијамс го продолжи договорот со клубот. 22-годишникот потпишал договор кој трае до 2035 година, а клубот исто така потенцира дека клаузулата за откуп на договорот е зголемена „за повеќе од 50%.“
Досега, таа изнесуваше 60 милиони евра, со новиот договор таа е зголемена на над 90 милиони.
Оваа вест доаѓа како големо изненадување бидејќи е познато дека Вилијамс преговараше со Барселона со месеци, а локалните медиуми го сметаа трансферот за завршен и договорен.
💥 Nico Williams renueva con el Athletic Club hasta 2035.
El extremo rojiblanco se vincula al club de su corazón durante las próximas diez temporadas y su cláusula de rescisión aumenta más de un 50%. #NicoWilliams2035 #AthleticWIN 🦁
— Athletic Club (@AthleticClub) July 4, 2025
Блауграна останува без најголемиот трансфер оваа сезона и ќе мора да бара нови опции.
„Нико Вилијамс и Барселона се договорија за сите детали. Фудбалерот на Атлетик Билбао ќе потпише шестгодишен договор за новиот клуб со нето плата помеѓу седум и осум милиони евра по сезона. Барселона моментално преговара со Атлетик за финансиските услови за да го комплетира трансферот“, објави Фабрицио Романо пред две недели.
Иако млад, Вилијамс веќе одигра 167 натпревари за Атлетик, постигна 31 гол и забележа 30 асистенции.
Foto/ EPA-EFE/RONALD WITTEK
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија против Рајо Ваљекано дебитира во главната фаза во Конференциската лига

Македонскиот првак Шкендија, вечерва го игра дебитантскиот натпревар во главната фаза на Конференциската лига. Шкендија во Мадрид му гостува на Рајо Ваљекано.
Тренерот на Шкендија, Јетон Беќири зборуваше пред дуелот на „Ваљехас“ стадионот.
„Ова е важен натпревар за сите нас, за клубот. Историски е ова е нашето деби во Конференциската лига. Исто така, е исклучително што ќе играме против екипа од еден многу респектиран шампионат“, рече Беќири проговори и за противникот.
„Верувам дека не би било коректно да издвојам еден фудбалер на Рајо Вајекано, затоа што имаат многу квалитетни играчи и би сакал да ги почитувам сите. Што се однесува до играта, тие се агресивни, играат модерен фудбал и атмосферата што се создава овде на стадионот секогаш е извонредна.“
„За нас е важно да имаме добра игра, да се обидеме да го дадеме максимумот. Вистина е дека не сме се соочиле со тимови од вакво ниво, од ваква лига каква што е Ла Лига, која според мене е најсилниот шампионат во светот“.
Натпреварот во Мадрид ќе започне во 18.45 часот.
Foto/ kfshkendija.com
Спорт
(Видео) Халанд е пред Меси и Роналдо – 52 гола во 50 натпревари во Лигата на шампионите

Манчестер сити не успеа да победи во Монако, во второто коло во Лигата на шампионите. Бод на Монако му донесе поранешниот англиски репрезентативец Ерик Даер со гол од пенал во 90-та минута.
Двата гола за Сити ги постигна Ерилнг Халанд. Норвежанецот го одигра јубилејниот 50-ти натпревар во Лигата на шампионите.
Во исто време, тој постави рекорд за најмногу голови во првите 50 натпревари во елитното европско натпреварување. Со овие два против Монако, тој стигна до бројката од 52 погодоци.
Исто така, ова е неговиот осми натпревар по ред оваа сезона во кој постигнува барем еден гол.
Foto/ EPA
Спорт
Мајми го потпиша Јовиќ за 62 милиони долари

Српскиот кошаркар и крилен центар на Мајами Хит, Никола Јовиќ, се согласи да ја продолжи соработката со франшизата за уште четири години.
Потпишувањето вреди дури 62,4 милиони долари, изјавија за ESPN неговите менаџери Џеф Шварц, Шон Кенеди и Џаред Муча од агенцијата „Excel Sports Management“.
Јовиќ минатата сезона постигнуваше просек од 10,7 поени по натпревар – што е неговиот најдобар настап во неговата НБА кариера досега.
Со потписот на новиот договор, Јовиќ дополнително ја зацврсти својата улога во тимот на Хит и покажува потенцијал да стане важен столб на иднината на франшизата.
Мајами, од друга страна, ја потврдува својата доверба во развојот на 21-годишниот репрезентативец на Србија, кој беше избран како 27-ми пик на НБА драфтот во 2022 година.