Спорт
Мектоминеј ја доближи Шкотска до баражот, драматична победа на Грција во Тбилиси

Шест натпревари се одигра во терминот од 18 часот, во рамките на европските квалификации за пласман на Светското првенство во Катар. Најдраматични победи забележаа Шкотска над Израел и Грција во Тбилиси против Грузија. Украина пак ја прекина низата од пет нерешени натпревари во овој циклус и во Финска ја забележа првата победа.
Шкотска со победата над Израел (3:2), направи голем чекот кон освојувањето на второто место во Ф-групата. Пкотите славеа со голот на Мектоминеј во 94.минута. Израелците два пати водеа на овој меч, на крајот не успеаја да освојат ниту еден бод.
Захави постигна прекрасен гол во петтата минута, израмни Мекгин во на истекот на 30.минута. Две минути подоцна Дабур погоди за ново водство на Израел. Во финишот на првиот дел Дајкс промаши пенал.
Овој играч во 57.минута го израмни резултатот. Голот најпрвин беше поништен, а откако судијата Марчињак ја прегледа снимката го призна голот.
Данска е лидер во групата со 18 бодови, Шкотска има 14, Израел 11, Австрија 7, Фарските острови 4, Молдавија има еден бод.
Грците во Б-групата, во финишот, славеа над Грузија и останаа во трката за пласман на Мундијалот. Бакасетас го постигна првиот гол во 90.минута, а Плекас пет минути подоцна ја потврди победата.
Во оваа група Шведска со 3:0 го победи Косово.
Шпанија води во групата со 13 бодови и натпреваро повеќе од Шведска и грција кои имаат по 12 односно девет бодови, Косово има четири, а Грузија еден бод.
Украинците со головите на Јармоленко и Јаремчук славеа во Хелсинки против Финска со 2:1 Со првата победа во овие квалификации Украина дојде до осум бода и натпревар повеќе од БиХ која има два бода помалку. Лидер во групата е Франција со 12 бодови.
Република Ирска, во А-групата, славеше во Азербејџан со 3:0 Два гола постигна Робинсон во 7. и 39.минута, а точка на мечот стави во 90.минута Огбене.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA
Спорт
Јамал ќе го пропушти натпреварот во Њукасл

Напаѓачот на Барселона, Ламин Јамал, ќе го пропушти натпреварот на Барселона против Њукасл јунајтед во Лигата на шампионите во четврток на „Сент Џејмс Парк“ поради повреда на препоните, објави шпанскиот клуб.
Јамал се повреди додека играше за националниот тим, а тренерот на Барселона, Ханси Флик, жестоко го критикуваше селекторот на Шпанија, Луис де ла Фуенте, дека во репрезентацијата не се грижеле за 18-годишникот, кој ја пропушти и победата во Ла Лига против Валенсија викендот.
Јамал постигна два гола и имаше три асистенции во три натпревари одиграни за Барселона оваа сезона.
Клубот објави дека, покрај Јамал, не можат да сметаат на Алехандро Балде и Гави, како и на Марк-Андре тер Штеген, но ќе го имаат на располагање Френки де Јонг.
Барса беше елиминирана во полуфиналето на Лигата на шампионите минатата сезона, додека Њукасл се врати во Лигата на шампионите откако не успеа да се квалификува за натпреварувањето минатата сезона.