Фудбалскиот клуб Севилја се подготвува за уште една тренерска смена. Според шпанските медиуми, тренерот Хорхе Сампаоли ќе добие отказ. Аргентинецот, минатата есен, го замени на кормилото Хулен Лопетеги, кој си замина поради лошите резултати.

Севилја, вчера, доживеа пораз во Мадрид од Хетафе (2:0) и до крајот на сезоната
е води жестока борба за опстанок во Примера. Севиља е 14. на табелата со 28 бодови, два повеќе од опсната зона и само една победа во последните пет натпревари.

Наводно, прв кандидат за негово замена е Хозе Бордалас, поранешниот тренер на Хетафе и Валенсија. Втор на оваа лста е поранешниот тренер на Еибар, искусниот Хозе Луис Мендилибар, добро познато име во Ла Лига, но Бордалас наводно е првиот пик.

Севилја и покрај лошата сезона во Примера, стигна до четвртфиналето во Лига Европа, каде за противник го има Манчестер јунајтед.

Ферари забележа втор тежок викенд на почетокот на сезоната, бидејќи Карлос Саинц и Шарл Леклер завршија на шестото и седмото место на трката за Големата награда на Саудиска Арабија. Леклер уште еднаш го повика тимот да ги подобри своите перформанси.

Возачот од Монте Карло призна дека се надевал на посериозна борба со возачите на Мерцедес, но и дека Џорџ Расел и Луис Хамилтон се покажале недостижни за него и за Карлос Саинц.

„Не знам дали болидите на Мерцедес беа толку недостижни. Се приближив до Карлос на секунда и пол, но повеќе од тоа не успеав. Направив мала грешка, кога бев во ДРС зоната на Саинц и после тоа не можев да направам ништо“, објасни Леклер.

Возачот на Ферари остана доследен на приказната дека Ферари има уште многу работа доколку сака да напредува.

„Не очекува многу, многу напорна работа. Нашите ривали се многу побрзи на правците, беа уште побрзи во свиоците“.

Леклер не ја заврши првата трка, Големата награда на Бахреин, а од почетокот на сезоната во неколку наврати го предупреди Ферари дека тимот мора да ги подобри перформансите доколку сака да влезе во битката за првото место.

Србија ги започна подготвките за престојните квалификациски натпревари со Литванија и Црна Гора, за пласман на Европското првенство.

Селекторот Драган Стојковиќ – Пикси, во своето прво појавување пред новинарите по Мундијалот во Катар, откри дека голманот на Севилја, Марко Дмитровиќ решил да се повлече од националниот тим.

Дмитровиќ (31), го известил селкеторот дека сакал да им се посвети на клупските обврски во Севилја.

Дел од српските медиуми пренесуваат дека Дмитровиќ не бил задоволен од третманот што го има кај селекторот и дека поради тоа решил да се повлече. Наводно, на Пикси дополнително го ставил Дмиторвиќ на спискот, кога дознал дека ФИФА се уште не го одбрила настапот на Владан Ковачевиќ, инаку Србин од Босна и Хрцеговина, кој го прифатил повикот да го смени спортското државјанство.

Дмитровиќ во кариерата бранел на 19 натпревари за Србија.