Спорт
Мешаната штафета на Полска испиша историја, Стол ја потврди доминацијата во фрлање диск
Даниел Стол од Шведска, во фрлање диск и мешаната штафета на Полска на 4×400 метри освоија златни медали на Олимписките игри во Токио.
Најголемиот фаворит во фрлање диск, Стол, со далечина од 68,90 метри, го освои најсјаното одличје во Токио. Далечината која му беше доволна за победа, Стол ја забележа во втората серија.
Стол ја потврди доминацијата во оваа дисциплина, бидејчи е и актуелен светски првак од Доха.
Успехот на Шведска го надополни, Симон Петерсон, со освоениот сребрен медал. Петерсон го фрли дискот на далечина од 67,37 метри.
Голем успех оствари и Австриецот, Лукас Вајсхадингер кој со 67,07 го освои третото место.
Полска влезе во историјата на Олимпијадите, како прва држава која победила во новата дисциплина, мешана штафета 4×400 метри.
Карол Залавски, Наталија Качмарек, Јустина Свијти и Кајетан Душински забележаа време 3:09.87 минути. Полјаците ги изненадија фаворитите, репрезентативците на САД, кои на крајот го освоија третото место.
Пред САД, заврши шатафетата на Доминиканска република (3:10.21 минути). Доминикаците са само една стотинка беа побрзи од штафетата на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вест Хем ќе го отпушти Еспирито Санто?
Нуно Еспирито Санто пристигна во Вест Хем со задача да го подигне клубот по лошиот почеток на сезоната, но не работата не му оди според планираното.
„Чеканите“ се во зоната за испаѓање, а од доаѓањето на Португалецот, тие имаат забележано само два триумфа во 13 натпревари.
Затоа Вест Хем размислува да се раздели со Санто, според „Ток Спорт“. Засега не е наведено кој би можел да го замени.
Поранешниот менаџер на Нотингем Форест го наследи Греам Потер, но шок терапијата не успеа.
Вест Хем се наоѓа на 18-то место во Премиер игата со скромни 13 поени.
Foto/ depositphotos
Спорт
Горецка пред трансфер во Премиер лигата
Репрезентативецот на Германија, играч на Баерн, Леон Горецка (30), би можел да му се приклучи на Тотенхем во зимскиот преоден рок, објавија британските медиуми.
Оваа сезона, Горецка не беше во почетниот состав на ниту еден од шесте натпревари од Лигата на шампионите, додека во Бундеслигата тренерот Винсент Компани често го заменува по еден час игра.
Тренерот на Спарс, Томас Франк, верува дека германскиот играч за врска би бил одлично решение за проблемите во средниот ред, а медиумите тврдат дека Горецка е отворен и за нови предизвици.
Поволна околност кога станува збор за потенцијален трансфер во англиски клуб е фактот што договорот на Горецки со Баерн истекува на крајот од оваа сезона.
Foto/ depositphotos
Спорт
Фелипе Луис го продолжи договорот со Фламенго
Фелипе Луис ќе остане тренер на Фламенго до 2027 година, објави во понеделникот бразилскиот клуб.
Човекот кој освои пет трофеи во првата година од својата професионална тренерска кариера, потпиша нов договор и со тоа стави крај на сите шпекулации за неговиот понатамошен ангажман.
Фиелипе Луис, некогаш ѕвезда на Атлетико Мадрид и бразилската репрезентација, веднаш по завршувањето на кариерата, започна да работи како тренер. Прво во тимовите до 17 и до 20 години на Фламенго, а првиот тим го презеде во септември 2024 година.
Со клубот од Рио де Жанеиро, во тековната година го освои националното првенство на Бразил, Купот, Суперкупот, првенството Кариока и Копа Либертадорес.
„Тој не оди никаде“, пишува во официјалното соопштение на Фламенго во врска со потпишувањето на новиот договор.

