Комесарот на НБА лигата Адам Силвер имаше обраќање кое ја шокираше кошаркарската јавност. Тој смета дека многу реално е на Олимписките игри наредната година да ги нема НБА ѕвездите и тоа од сите селекции.

Имено, поради пандемијата на коронавирусот, НБА лигата беше прекината цели 3 месеци, па наместо деновиве да почнува новиот шампионат, се уште се играат финалињата по конференции.

Првичниот пандемиски план на Силвер и неговите соработници беше новата сезона да започне во декември, но по се изгледа таа ќе започне дури во јануари, а претпоставките се дека ќе трае до септември или октомври 2021 година.

Олимпијадата, пак, во Токио треба да се одржи идното лето, на крајот на јули и на почетокот на август.

„Постојат многу сјајни американски кошаркари, а ние можно е да се наоѓаме пред сценарио во кое 15 најдобри НБА играчи нема да играат на ОИ, а таму да учествуваат други 15 играчи. Се разбира, многу НБА асови и од другите селекции ќе сакаат да се на ОИ, тоа е нешто на кое ќе треба да поработиме“ – рече Силвер.

Информациите се дека на ОИ во Токио ќе треба да има 12 американски кошаркари, и барем 34 други играчи, во останатите репрезентации Во текстот објавен на официјалниот сајт на НБА лигата се потсетува дека веќе квалификувани во Токио се селекциите на САД, Нигерија, Австралија, Шпанија, Аргентина, Иран, Франција и Јапонија.

За настап во Токио се надеваат и Грција со МВП-играчот, Јанис Адетокумпо, Србија која ја предводи ѕвездата на Денвер, Никола Јокиќ, но и Литванија, Русија, Чешка…

Луис Суарез од Барселона ќе се пресели во Атлетико Мадрид. Шпанските медиуми трансферот го нарекуваат „бомба“. Уругваецот експресно најде нов клуб откако Роналд Куман му порача дека не му е потребен во Барселона.

На Суарез најпрвин му пропадна трансферот во Јувентус, а откако Алваро Мората прифати да се врати во редвовите на „старата дама“, Уругваецот без размислување го прифати повикот од Диего Симеоне. Напаѓачот прифати да игра и за значително помала плата, во Атлетико годишно ќе заработува 7.500.000 евра.

Барселона од трансферот на Луис Суарез нема да заработи ништо. Каталонците слично постапија и со Иван Ракитиќ и Артуро Видал. Она што е добро за Барселона е што значително го намалија буџетот предвиден за плати.

Барса ќе заработи од Суарез само доколку биде исполнет една клаузула во договорот. Доколку Атлетико во наредните две сезони стигнат најмалку до четврт-финалето во Лигата на шампионите тогаш Атлетико ќе мора да уплатат 2.000.000 евра.

Европската фудбалска федерација (УЕФА) номинираше тројца фудбалери во изборот за најдобар во изминатата сезона. Во конкуренција за престижната награда се двајца фудбалери на Баерн Минхен и еден на Манчестер сити.

Роберт Левендовски, Мануел Нојер и Кевин Де Брујне се во конкуренција за наградата. Најголем фаворит во оваа конкуренција е напаѓачот на Баерн, Левандовски.

Полскиот репрезентативец ќе беше и прв фаворит за наградата на ФИФА, меѓутоа Светската фудбалска федерација оваа година нема да ја додели наградата.

УЕФА објави дека во конкуренција за наградата тренер на сезоната се Германците Ханси Флик (Баерн), Јирген Клоп (Ливерпул) и Јулијан Нагелсман (Лајпциг).