Спорт
Меси: Чави и Иниеста се уникатни
Како најава за големиот спектакл, шоуто „Меси10“, во кое преку акробатски перформанс ќе биде претставена кариерата на ѕвездата на Барселона, Меси дал опширно интервју за Каталонското радио.
Говорел за Чави, Иниеста, најдрагиот гол, најтежкиот противник, натпреварот што нема да го заборави, периодот кога сакал да ја напушти Барселона…
Во 2013 и 2014 година поради проблемите со шпанската Управа за јавни приходи, кога константно бил напаѓан од медиумите, сериозно размислувал да замине од Барселона.
Аргентинецот заедно со Чави и Иниеста го обележа најуспешниот период на Барселона.
„Сите знаевме дека еднаш ќе мора да заминат. Имаме многу квалитетни играчи на тие позиции, но Чави и Иниеста се уникатни. Поради нив се смени филозофијата на фудбалот. Се случуваше само поради нив двајца да имаме посед на топка и од 90 отсто, а кога ќе ја изгубевме го враќавме поседот за пет секунди. Чеви би можел еден ден да се врати во клубот и доколку сака да биде тренер. Сигурен сум дека еден тоа и ќе се случи и дека ќе има резултати какви што имаше Гвардиола на почетокот на тренерската кариера“, рекол Меси.
Омилен гол на Аргентинецот е голот што глава го постигна против Манчестер Јунајтед во 2009 година, во финалето во Лигата на шампионите.
Кој е најдобриот тим против кого играл и кој натпревар му е најдраг во кариерата?
„Шпанската репрезентација од 2010 година, од Светското првенство во Јужна Африка, а победа што нема да ја заборавам е онаа против Реал во полу-финалето во Лигата на шампионите во 2011 година“, рекол Меси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.