Спорт
Меси доби „стадион“ со негово име во Аргентина

Лионел Меси во својата кариера има остварено многу, но сега доаѓа и последната почест – стадион во негово име изграден од еден навивач во неговата татковина.
Во градчето Мендоза, на 1.000 километри од родното Росарио на Меси, на „стадионот“ нема светло, нема вистински тревнат терен, ниту голови според правилата на ФИФА. Сепак, на аргентинскиот готвач со име Франциско Хавиер Гвардиола (без врски со тренерот Пеп Гвардиола), треба да му се честита за идејата да изгради „Естадио Лео Меси“ со поглед на Андите.
Неговата ќерка, Мака, ги објави фотографиите на социјалните мрежи: „Стариот изгради стадион во сред планините, и го именуваше ‘Естадио Лео Меси’. Морате да го видите, бидејќи тоа е сон на мојот татко. Мислам дека е поголема почест од таа што му ја дадоа Барселона“.
Франциско вели дека не планирал веста да стане позната.
„Сакав да оддадам почит на некој кој ни даде многу среќа. Тој е дел од нашата историја, не само во фудбалот, туку и во животот. Ова беше моја мала работа која можев да ја направам. Беше тајна, но мојата ќерка го објави тоа“, вели Франциско.
Mi viejo se mandó un estadio de fútbol en el medio de la montaña (Mendoza, Argentina) y le puso de nombre "Estadio Leo Messi". Necesito que lo vea por favor es el sueño de mi viejo @IbaiLlanos @Martinpdisalvo @Ieomessiok pic.twitter.com/8Eh7uY0akM
— Maca (@Macaguardiola1) August 24, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Њукасл го потпишаа Џејкоб Ремзи

24-годишниот играч од средниот ред, Џејкоб Ремзи, е нов член на Њукасл јунајтед, со кого потпиша петгодишен договор, објави англиската Премиер лига во неделата.
Ремзи им се придружи на „страчките“ од Астон Вила и стана четвртото засилување на Њукасл ова лето.
Клубот не ги објави финансиските детали за овој трансфер, но англиските медиуми објавија дека е договорена компензација од 40 милиони фунти (околу 46 милиони евра).
„Ова е голем потег за мене, но штом дознав дека тренерот е заинтересиран и дека навистина му се допаѓам, не ми требаше долго време да донесам одлука“, изјави Ремзи за официјалната веб-страница на Њукасл јунајтед (newcastleunited.com).
Поранешниот англиски репрезентативец до 21 година кариерата ја започна во младинската школа на Астон Вила и одигра 167 натпревари за сениорскиот тим, постигнува 17 гола и забележа 19 асистенции.
Во својот нов клуб, Ремзи ќе го носи бројот 41, кој го имаше во Астон Вила, а би можел да дебитира во понеделник, 25 август, кога ќе игра на „Сент Џејмс Парк“, кога Њукасл ќе го пречека актуелниот шампион Ливерпул.
Foto/ newcastleunited.com
Спорт
(Видео) Нико Вилијамс со гол и две асистенции и пресуди на Севилја

Атлетик Билбао, во возбудлив натпревар, ја победи Севилја со 3:2. На отворањето на сезоната во Ла Лига, блескаше Нико Вилијамс со гол и две асистенции. Севилја се врати во мечот по водствто на Атлетик од 2:0, но не издржа. Дебитантот во дресот на баскискиот тим, Наваро погоди за победа.
Нико Вилијамс, кој во последен момент реши да остане во Билбао, кога ја одби понудата од Барселона, во 36.минута избори пенал и го претвори во гол. Овој играч, седум минути подоцна му асистираше на Санади кој погоди за 2:0.
Домашниот тим имаше шанси да го реши мечот во првите 10 минути од вториот дел, а кога не успеа казната стигна преку Лукебакио, кој испрати вистинска бомба од дистанца и намали на 2:1.
Во 72.минута, Севилја постигна уште еден гол од далечина. Резултатот го изедначи Агуме.
Го имаа гостите посакуваниот резултат се до 81.минута, кога по додавањето на Нико Вилијамс, конечниот резултат го постави Наваро.
Foto/ EPA/Miguel Tona
Спорт
Македонските одбојкари се пласираа на ЕП

Одбојкарската репрезентација на Македонија, како една од петте второпласирани селекции избори пласман на Европското првенство наредната година. Во последното коло, Македонија ја победи Грусија со 3:0 (25:13, 25:16, 25:17).
Македонија мораше да ја победи Грузија во три сета и да не загуби повеќе од 68 поени. Поради тоа македонските одбојкари максимално сериозно му пристапија на натпреварот. Експресно го добија првиот сет, во ист ритам продолжија и во вториот.
Мало опуптање следеше во третиот сет кога Грузија водеше 9:11, но тогаш се појави Ѓеорѓиев со серија добри сервиси, Македонија се одлепи на 18:12 и рутински го заклучи сетот.
Македонија во 2026 година четврти пат во историјата ќе учествува на Европско првенство.
Foto/ facebook.com/volleyballmkd