Спорт
Меси е среќен во ПСЖ: Морав да си најдам нов клуб
Лионел Меси во интервју за „Франс фудбал“ вели дека е многу задоволен што е во Пари Сен-Жермен и не жали што го избрал францускиот гигант по неочекуваната разделба со Барселона и покрај тоа што има релативно спор старт на „Паркот на принцовите“.
34-годишниот Меси зборувајќи за првите два месеци во градот на светлината, инсистира дека изборот бил лесен.
„Барса објавија дека нема да продолжам со нив и од тој момент почнав да размислувам како да се вратам. Морав да најдам нов клуб да ја продолжам кариерата и имав среќа што ме контактираа неколку клубови, меѓу кои и ПСЖ. Благодарен сум на клубот, бидејќи од стартот се однесуваа одлично со мене. Покажаа дека навистина сакаат да дојдам и третманот е фантастичен. Денеска сум многу среќен. Добив и други понуди, но бргу се договоривме со ПСЖ. Проектот е возбудлив, фудбалерите, квалитетот кој го имаат… Тие работи направија договорот да биде лесен. Не згрешив, лесно се интегрирав и ми помогна што многу фудбалерит зборуваат шпански како мене“, вели Меси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.