Спорт
Меси: Франција и Бразил се фаворити во Катар

Аргентинскиот капитен, Лионел Меси вели дека актуелните шампиони Франција и Бразил се први фаворити за победа на Светското првенство во Катар бидејќи имаат група на играчи кои долго време играат заедно.
Во интервју за „Директ ТВ“, Меси вели дека Бразил, Германија, Франција, Англија и Шпанија секогаш се фаворити пред големите натпреварувања, но ги посочува Франција и Бразил како репрезентации кои се чекор понапред пред првенството од 20 ноември.
„Секогш ги посочуваме истите големи тимови…. Но, ако морам да избирам, Бразил и Франција се први кандидати за титулата од Светското првенство. Ја имаат истата група играчи долго време, функционираат добро. Франција, освен на последното Европско првенство, ги имаат истите импресивни играчи. Имаат јасна идеја под селекторот. Истото е и со Бразил“, вели Меси.
Тој не ги спомена Аргентинците, иако немаат пораз во 35 меча, а минатото лето го освоија трофејот од Копа Америка со победа над Бразил во финалето. Аргентина последниот тест пред СП го има против Обединетите Арапски Емирати во ноември, а на СП се во група со Саудиска Арабија, Мексико и Полска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Прв пат во кариерата Леброн ќе го пропушти отоврањето на сезоната

Ѕвездата на Лос Анџелес Лејкерс, Леброн Џејмс, кој сè уште не учествувал на тренингот на тимот, ќе отсуствува дополнителни три до четири недели поради ишијас на десната страна од телото, објави тимот во четврток.
40-годишниот Џејмс ги пропушти првите два натпревари на Лејкерс пред сезоната и сè уште не одработил ниту еден тренинг со соиграчите.
Доколку Џејмс отсуствува три до четири недели, тој ќе го пропушти отворањето на сезоната против Голден Стејт Вориорс на 21 октомври.
Шамс Чаранија од ESPN оваа недела објави дека Џејмс веројатно ќе ја пропушти целата предсезона, но целта му да биде во тимот за првиот меч во новата сезона.
Џејмс влегува во својата рекордна 23-та НБА сезона, со што ќе го надмине Винс Картер за најдолга кариера во историјата на НБА.
Но, за прв пат во својата кариера, тој ќе го пропушти отворањето на сезоната.
Откако се приклучи на Лејкерси во 2018/19, Лос Анџелес има скор од 248-171, односно победиле на 59,1 отсто од натпреварите.
Кога не игра, Лејкерси имаат скор од 56-78 (41,8%).
Фото/ Принтскрин
Спорт
Црногорскиот селектор: Играчите мислат дека се мајстори, а ние мора да ораме и да работиме

Фудбалската репрезентација на Црна Гора претрпе тежок пораз од 4:0 против Фарските Острови во групата Л и со тоа математички испадна од сите комбинации за пласман на Светското првенство.
Кошмарно деби во Торшван имаше новиот селектор, легендата на црногорскиот фудбал, Мирко Вучиниќ. Домашните поведоа во 16-та минута преку Ханус Серенсен, а Арни Фредериксберг го зголеми резултатот на 2:0 во 36-та минута. Истите играчи беа стрелци и во второто полувреме.
Вучиниќ беше скршен по натпреварот и отворено го критикуваше пристапот на некои од играчите, тој посочи дека играчите не биле фокусирани и дека лоша реагирале по првиот примен гол и рече дека репрезентацијата мора да се врати на основите: работа, борба и скромност.
„Секако нема да го паметам натпреварот по добро бидејќи загубивме со 4:0. Многу ми е жал, ја преземам вината врз себе. Игравме добро 15 минути додека не примивме гол, потоа не бевме доволно ментално силни за да се вратиме.
Видов многу лоши работи, не бевме фокусирани и концентрирани кога изведуваа корнери, аути…Малку се изгубивме на теренот, жал ми е, очигледно не можев да влијаам на нив колку што требаше“, рече Вучиниќ, за кого ова е прва тренерска работа.
„Сите треба да се запрашаме зошто загубивме девет гостувања по ред. Имам свои идеи, ќе им ги презентирам на играчите во соблекувалната, не пред камерите. Мора да бидеме скромни, но не сме. Неколку играчи мислат дека се мајстори, а ние мора да ораме и да работиме. Тоа е нашиот менталитет – мајстори, мајстори… А мајсторите во Европа трчаат и се борат на теренот“.
Вучиниќ повтори дека нема напредок без работа и жртва, без оглед на потенцијалот што го поседува тимот. „Реков дека мора да играме со волја и желба. Можеме да бидеме мајстори, но без работа нема никаде да стигнеме“, додаде црногорскиот тренер.
За четири дена, Црна Гора ќе го пречека Лихтенштајн во Подгорица во пријателски натпревар со почеток во 18:00 часот, а во ноември, во квалификациите, имаат гостување во Гибралтар и дуел со Хрватска на домашен терен.
Фото/ Принтскрин
Спорт
Досега 20 репрезентации изборија пласман на СП

Низ целиот свет, во тек се квалификациите за Светското првенство, кое ќе се одржи следното лето во Соединетите Американски Држави, Канада и Мексико. За потсетување, тоа ќе биде првото Светско првенство на кое ќе учествуваат дури 48 репрезентации, што е за 16 повеќе од сите првенства од 1998 година до денес.
Кога станува збор за распределбата на местата на Светското првенство по континенти, ситуацијата е таква што Европа ќе има 16 репрезентации, Африка девет, Азија осум, Јужна Африка шест, Океанија една и Северна Америка шест, вклучувајќи ги и трите селекции организатори.
Останатите две места ќе им бидат доделени на победниците на новиот интерконфедерациски турнир.
Досега, 20 репрезентации изборија пласман на Светското првенство.
Африка: Алжир, Египет, Мароко, Тунис
Европа: сè уште никој
Азија: Австралија, Иран, Јордан (дебитант), Јапонија, Јужна Кореја, Узбекистан (дебитант)
Јужна Америка: Бразил, Аргентина, Колумбија, Еквадор, Парагвај, Уругвај
Океанија: Нов Зеланд
Северна Америка: Домаќини, САД, Канада и Мексико
Интерконфедерацискиот куп е турнир што ќе се одржи во Северна или Централна Америка во март 2026 година (домаќинот ќе биде одреден подоцна). Всушност, станува збор за два мини-турнира на кои ќе учествуваат вкупно шест екипи, по три во секој.
На турнирот ќе учествуваат по еден претставник од секоја континентална асоцијација, освен УЕФА, додека КОНКАКАФ (Северноамериканската конфедерација) ќе добие два тима на тој турнир.
Три екипи ќе го играат турнирот на таков начин што оној што е најдобро пласиран на листата на ФИФА ќе чека во финалето. Останатите два тима ќе играат во полуфиналето.
Победниците на мини-турнирот (вкупно две репрезентации) на овој начин ќе стигнат до Светското првенство.
Засега е познат само еден учесник – Нова Каледонија, која беше втора во квалификациите во Океанија. Јужноамериканскиот претставник на тој турнир ќе биде седмопласираната екипа во квалификациите. Другите континенти ќе организираат плејоф во кој репрезентациите ќе се борат за место на завршниот турнир каде што ќе бидат поделени последните визи за Светското првенство.