Спорт
Меси: Мбапе е ѕвер, со Нејмар имам посебен однос

Еден од најдобрите фудбалери на сите времиња, Лионел Меси, даде интервју за мексиканските медиуми, во кое зборуваше за соиграчите од ПСЖ, Килијан Мбапе и Нејмар.
ПСЖ одлично влезе во новата сезона, нема пораз во првенството и во Лигата на шампионите, но француските медиуми секојдневно пишуваат за несогласувања во тимот.
Наводно, Мбапе е главната причина за лошата атмосфера. Сепак, Меси зборуваше исклучиво за квалитетите на Мбапе на теренот.
„Мбапе е ѕвер. Тој е многу моќен еден на еден, има и издржливост и брзина. Може да постигне многу голови, комплетен играч е и тоа го покажува со години. Не се сомневам дека ќе биде меѓу најдобрите во следните неколку години“, изјави Меси.
Аргентинецот истакна дека има посебен однос со Нејмар, не само на теренот, туку и надвор од него:
„Се познаваме во душа, поминавме многу убаво време во Барселона, можеби можевме повеќе да бидеме таму, но сега животот повторно не спои. Воодушевен сум што можам да играм со него, но и слободното време го поминуваме заедно“.
Лигата на шампионите е главната цел за ПСЖ.
„ПСЖ ја имаше истата цел во изминатите две години, сите го знаат тоа, сакаме да ја освоиме Лигата на шампионите. Минатата сезона испаднавме од Реал, тешко ја поднесов елиминацијата, одигравме два многу добри натпревари, на крајот решија мали детали. Оваа сезона е посебна поради Светското првенство, но тоа не треба да влијае на нас. Многу е тешко да се победи, не секогаш победува најдобриот. Се подготвуваме за сите предизвици кои можат да ни се најдат на патот до трофејот“, заклучи Меси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.