Спорт
Меси: „Овие 15 играчи се иднината на фудбалот“

Лионел Меси еден од најдобрите фудбалери во историјата говорел за играчите кои ќе ја обележат иднината на овој спорт. Меси учествувал во акцијата на компанијата „Topps“ која произведува албуми и сликички за Лигата на шампионите.
Меси издвоил 15 фудбалери за кои смета дека ќе ја ги обележат наредните години во фудбалот. Интересно меѓу нив е и еден од најкритикуваните оваа сезона Лука Јовиќ од Реал Мадрид.
„Магичен играч кој прави невозможното да биде возможно“, рекол Меси за фудбалерот кој сезонава има скромен учинок од два гола и две асистенции во дресот на Реал.
Интересно меѓу младите играчи што ги издвоил Меси го нема неговиот соиграч Ансу Фати, ги нема ниту Бразилците од Реал Винисиус Жуниор и Родриго. Меси го изостави и Норвежанецот Ерлинг Халанд, како и дефанзивецот на Јувентус Матијас Де Лихт.
Во продолжение прочитајте кои се преостанатите 14 фудбалери и какво мислење за нив има Меси.
Трент Александер-Арнол (Ливерпул): „Бек кој импресивно ги обавува офанзивните задачи“.
Кристијан Пулишиќ (Челси): „Поседува одличен баланс и динамика“.
Мејсон Маунт (Челси): „Имав можност да го гледам како игра, има потенцијал да биде меѓу најдобрите во светот“.
Фил Фоден (Манчестер сити): „Тој ќе направи фантастични работи во кариерата. Голем талент“.
Џејдон Санчо (Борусија Дортмунд): „Неговата способност да го помине противникот е импресивна“.
Каи Хаверц (Баер Леверкузен): „За толку млад фудбалер импресионира смиреноста што ја има пред голот“.
Едер Милитао (Реал Мадрид): Исклучителен талент, неуморен натпреварувач“.
Усман Дембеле (Барселона): Неговата брзина на тренинзите е застрашувачка“.
Хусен Ауар (Лион): „Секогаш е мирен кога ја има топката кај себе, поседува одлична техника“.
Френки де Јонг (Барселона): За годините што ги има, тој е еден од најдобрите додавачи што сум ги видел некогаш“.
Жоао Феликс (Атлетико Мадрид): „Во моментов еден од највозбудливите млади играчи“.
Килијан Мабапе (ПСЖ): Исклучително брз, има сјајна завршница. Многу е опасен“.
Џошуа Кимих (Баерн Минхен): „Многу талентиран бек од кого добивате многу асистенции“.
Бенжаман Павар: Баерн Минхен: „Класа од дефанзивец кој има исклучителен шут“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер оствари рекорден приход

Италијанскиот фудбалски гигант Интер оствари рекордни 567 милиони евра приходи во изминатата финансиска година, беше објавено на веб-страницата на клубот.
Финансиските извештаи за сезоната 2024/25 покажуваат приходи од 567 милиони евра, што е зголемување од 94 милиони евра во споредба со претходната сезона. Ова е рекорд, не само за Интер, туку и за италијанскиот фудбал како целина. Претходниот рекорд го држеше Јувентус кога имаше приходи од 464 милиони во првата сезона на Роналдо.
Рекордните приходи на Интер се резултат на зголемените приходи од домашните и европските натпреварувања, како и учеството во првото издание на проширеното Светско клупско првенство. Во исто време, имаше зголемување на комерцијалните приходи од спонзорства и натпревари.
Интер ја затвори финансиската година со нето добивка од 35,4 милиони евра, во споредба со загуба од 35,7 милиони евра во претходната финансиска година. Интер ја заврши рекордната финансиска година без трофеј.
Во финалето на Лигата на шампионите загуби од ПСЖ, во Серија А беше втор од Наполи, во Купот на Италија испадна во полуфиналето против градскиот ривал Милан, „росонерите“ беа подобри и во финалето на Суперкупот на Италија, додека на клупскиот Мундијал клубот загуби од Флуминензе.
Спорт
Детали го делат Бенитез од клупата на Панатинаикос

Трофејниот шпански стручњак Рафаел Бенитез (65) треба да го преземе грчкиот тим Панатинаикос во наредните денови, откако че бидат дефинирани деталите за идната соработка.
Великанот од Атина е во потрага по тренер по заминувањето на Португалецот Руи Виторија, кој беше отпуштен на 15 септември, еден ден откако „зелените“ загубија од Кифисија со 3:2.
Во меѓувреме, Панатинаикос значително ја подобри играта и резултатите под водство на привремениот тренер Христос Контис и забележа голема победа во Лигата на Европа против Јанг Бојс (4:1), но во клубот, и покрај очигледниот напредок, бараат ново, по можност звучно име за клупата.
Според грчките медиуми, изборот паднал на тренерот кој ја освои Лигата на шампионите со Ливерпул во 2005 година, две титули во Ла Лига и Купот на УЕФА со Валенсија и Лигата на Европа со Челзи.
Истите извори наведуваат дека Бенитез пристигнал во Атина со приватен авион во четврток наутро за финални преговори со челниците на клубот и најверојатно за потпишување на договорот.
Наводно, Панатинаикос му нуди дури пет милиони евра само за едногодишна соработка.
Спорт
Џексон Хејс ќе добие пасош на Словенија

Центарот на Лос Анџелес Лејкерс, Џексон Хејс (25), откри дека е во процедура за добивање словенечки пасош за во иднина да може да игра со Дончиќ и во репрезентацијата.
Хејс е член на Лејкерс од 2023 година, претходно играше за Њу Орлеанс.
Наскоро би можел да биде опција за селекторот на Словенија, Александар Секулиќ, кој бара играч на позицијата „пет“ по повлекувањето на Џош Нибо за последниот Евробаскет.
Нибо, да потсетиме, поради повреда, не доби дозвола од својот клуб Милано да игра за Словенија, што ги принуди челниците на КС Словенија да најдат посигурно решение за наредните години.
Изборот падна на Хејс, со кого неговиот соиграч Лука Дончиќ ги водеше преговорите.
„Лука е мој човек. Работиме заедно за да добиеме словенечки пасош и да можеме да играме за Словенија следното лето“, ги изненади Хејс новинарите по натпреварот со Далас.
Хејс со тоа би бил четвртиот странец во последните неколку години во дресот на Словенија, по Ентони Рандолф, Мајк Тоби и Џош Нибо.
Словенија беше европски шампион во 2017 година со Рандолф.