Спорт
Меси: Овој пораз е одраз на целата сезона

Реал Мадрид синоќа ја освои својата 34-та титула во Ла Лига со победата од 2-1 против Вилјареал, додека Барселона дома загуби со истиот резултат од Осасуна.
Лео Меси „експлодираше“ по мечот и рече се што му лежи на душа и повика на промени.
„Веќе реков, ако играме вака, тоа нема да е доволно за освојување на ЛШ, а на крај не беше доволно ниту за Ла Лига. Ќе мора да промениме многу, да бидеме самокритични. Ја изгубивме титулата поради наши грешки, а не поради успесите на Реал. Ако продолжиме вака, нема да го поминеме Наполи“ вели Меси.
Во неговата изјава прилично јасно повикува на смена на тренерот Кике Сетиен.
„Не ја изгубивме титулата затоа што противникот беше подобар. Овој меч беше одраз на целата сезона. Екипата е неконзистентна и слаба, изгубивме бодови кои не смеевме“ вели Аргентинецот.
Доби прашање од шпанските новинари дали Реал ја заслужи титулата.
„Го направија тоа што требаа и не губеа мечеви, но ние многу им помогнавме. Губевме бодови таму каде што не смеевме. Мора да сме самокритични, ние сме Барса и мора да освојуваме се“ – вели Меси.
Messi:
"No esperábamos terminar la temorada así, pero marca lo que fue todo el año, un equipo muy irregular, al que le ganan por intensidad y por ganas".
"Si queremos pelear por la Champions vamos a tener que cambiar . Si no vamos a perder contra el Napoli"#VolverEsGanar pic.twitter.com/0Ob6LgipVn
— Fútbol en Movistar+ (@MovistarFutbol) July 16, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.