Спорт
Меси сака средба со бордот на Барса и „цивилизирано“ заминување

Лионел Меси останува на своето и планира да си замине од Барселона, но Аргентинецот не сака да заврши на суд со својот поранешен клуб, туку сака средба со бордот на клубот и да си замине на пријателски начин, објавува порталот „Гол“.
Меси во вторникот предизвика фудбалски „земјотрес“, откако по 16 години побара трансфер од Барселона, клубот каде што стана вистинска легенда. Ова беше само последна капка во низата конфликти на Меси со клубот, и тој е бесен на одлуките на претседателот Жосеп Марија Бартомеу, како продажбата на Нејмар и неуспехот тој да се врати минатото лето, како и отпуштањето на тренерот Ернесто Валверде оваа година.
Поразот од 8:2 од Баерн Минхен во четврт-финалето на ЛШ беше доволен да го убеди Меси да побара нов клуб праќајќи им факс на Барселона во вторникот барајќи раскин на договорот со активирање на клаузула во него. Иако Барселона го одби ова веднаш, според „Гол“, Меси сака да има состанок со управата на тимот и да преговара за заминувањето, наместо да го направи тоа на своја рака.
Меси не сака да влезе во „развлечена“ јавна војна со клубот, иако и неговата одлука предизвика контроверзи и навивачите протестираа пред „Ноу Камп“, додека членовите на тимот побараа оставка од Бартомеу. Аргентинецот сака разделбата да биде „цивилизирана“ и покрај тензиите. Тој сака да ја каже и својата верзија на настаните во клубот, и во исто време да прати порака до разочараните фанови на Блауграна.
Lionel Messi remains determined to leave Barcelona, but wants to meet with the board and leave the club on good terms, Goal can confirm ? pic.twitter.com/6wm7NtXzZ9
— Goal (@goal) August 28, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.