Спорт
Меси се враќа дома? Агуеро откри детал од приватен разговор

Договорот на Лионел Меси со ПСЖ истекува на крајот од сезоната, според медиумите тој се уште не решил каде ќе игра наредната сезона. Дали ќе остане во Париз или ќе се врати во Барселона? Медиумските шпекулации велат дека тој би можел да се пресели во САД, во Интер од Мајами, во Саудиска Арабија, дури и да се врати во Аргентина.
„Тој сериозно ја разгледува можноста да заигра за Њуелс“, изјави еден од најдобрите пријатели на Меси, пензионираниот Серхио Кун Агуеро.
Меси на клубот од родниот Росарио му се приклучи на осум години, а на 13 години замина во Барселона.
Агуеро со години играше со Меси во репрезентацијата, а пред две години потпиша за Барселона за да ја заврши кариерата со него, но Лео истото лето мораше да замине во Париз. Тој вели дека Меси во приватен разговор му ги открил плановите да се врати дома.
Инаку „Инфобае“, најави дека Меси би можел да игра во јуни на прошталниот натпревар на Макси Родригез, друг поранешен аргентински репрезентативец роден во Росарио, кој кариерата ја започна во 1999 година, а ја заврши во 2021 година во Њуелс Олд Бојс.
Тогаш клубот наводно треба да ги заврши преговорите и да го убеди најдобриот фудбалер на светот да се врати дома.
Сепак, Макси Родригез се обидува да ја смири еуфоријата, па порача дека Агуеро не треба да се сфаќа премногу сериозно.
„Кун е Кун, тој секогаш е палав и не знае да молчи. Ќе видиме, тешко е да се зборува за тоа бидејќи секогаш ќе има некакви шпекулации, нема да се мешаме”, рече Родригез. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Чаби Алонсо не го сака Асенсио, тој нема намера да го напушти Реал

Чаби Алонсо беше исклучително авторитативен во своите барања откако го презеде Реал Мадрид ова лето.
Алонсо побара сериозни инвестиции од клубот во одбраната, што резултираше со доаѓањето на Трент Александар-Арнолд, Дин Хујсен и Алваро Карерас.
Според извештаите, клубот сè уште е на пазарот, се бара уште еден дефанзивец, со оглед на повредите и променливата форма на искусните играчи како Давид Алаба и Едер Милитао.
Во центарот на сите тие неизвесности, Раул Асенсио требаше да биде важна фигура во задната линија на Реал. Сепак, неговите неодамнешни натпревари во дресот на „кралскиот клуб“ значително влијаеја на неговиот статус, бидејќи Алонсо, според порталот „OK Diario“, ја изгубил довербата во младиот дефанзивец.
„ Асенсио нема никого да обвини освен себеси, бидејќи не го даде својот максимум на Светското клупско првенство и не го помина ригорозниот „тест“ на Алонсо, ставајќи ја неговата иднина во клубот во прашање“, пишува овој извор.
Постои голема неизвесност околу 22-годишникот, кој неодамна потпиша нов договор до 2031 година, откако блесна под водство на Карло Анчелоти минатата сезона.
Тој ги искористи повредите на своите поискусни соиграчи и влезе во првиот тим, имаше одлични игри. Сепак, неговите перформанси нагло паднаа во вториот дел од сезоната, а тоа беше особено очигледно на Светското клупско првенство.
Асенсио направи голема грешка во првиот натпревар против Ал Хилал, кога направи прекршок за пенал. Во вториот натпревар, против Пачука, доби црвен картон за непромислен старт.
Алонсо потоа го остави надвор од почетната постава до полуфиналето против ПСЖ, кога Хујсен беше отсутен.
Неговата слаба решителност и несигурните додавања од задната линија предизвикаа загриженост кај Алонсо, со оглед на тоа што тие елементи се клучни за стилот на игра што го форсира шпанскиот тренер.
Се вели дека Алонсо планира да користи формација со тројца во задната линија, но настапите на Асенсио не влеваат доволно доверба за да биде дел од тие планови.
Од друга страна, Асенсио е решен да се докаже во Реал Мадрид и ги отфрли понудите од клубови како Челзи, ПСЖ, Милан и Порто.
Спорт
Откриено е зошто Тадиќ не се пресели во Атлетико Мадрид

Српскиот фудбалер Душан Тадиќ неодамна беше на прагот да се пресели во Атлетико Мадрид, но договорот пропадна во последен момент.
Тадиќ пристигна во шпанската престолнина на завршните преговори, но договор не беше постигнат.
Според „Телеграф“, „јорганџиите“ во меѓувреме ја смениле својата понуда и му понудиле на Тадиќ помалку пари од договореното.
Атлетико ја намалил сумата која требала да му биде исплатена преку бонусите, во зависност од настапие, головите, асистенциите, освоените трофеи….
Откако не успеа да се договори со Тадиќ, Атлетико го ангажираше Тијаго Алмада од Ботафого, кој игра токму на позицијата на Душан, а цената на трансферот беше 21 милион евра.
Тадиќ го напушти Фенербахче на крајот од минатата сезона, Црвена звезда и Војводина се распрашуваа за него, но постојат големи шанси тој да ја продолжи кариерата во странство.
Спорт
Ливерпул подготвува рекорден трансфер

Фудбалскоот клуб Ливерпул подогтвил понуда за Александер Исак, со која ќе го сруши британскиот трансфер рекорд.
„Ливерпул е подготвен да понуди голема сума за Александар Исак откако ќе се заврши продажбата на Луис Дијаз. Исак е заинтересиран за трансфер и воопшто не преговара со клубови од Саудиска Арабија. Тој е фокусиран исклучиво на Ливерпул. Сега сè е насочено кон Њукасл, додека Ливерпул чека, но тој е подготвен да влезе во преговори со својата рекордна понуда“, пишува Фабрицио Романо.
Деталите за понудата што Ливерпул ќе ја испрати до Њукасл за Александар Исак ги откри ннсајдерот Саша Таволиери.
Според неговите информации, станува збор за фиксна сума од 120 милиони фунти (малку повеќе од 138 милиони евра), а на тоа се додаваат и можни бонуси.
Тоа би бил најскапиот трансфер во историјата на Ливерпул и Англија и трет најскап во историјата на фудбалот. Само ПСЖ плати повеќе за Нејмар (222 милиони) и Килијан Мбапе (180 милиони).
Фото/ Принтскрин