Спорт
Меси со договор „тежок“ 20 милиони долари со „Социос“

Ѕвездата на Пари Сен-Жермен, Лионел Меси потпишал договор вреден над 20 милиони долари за промоција на компанијата за дигитални фан-токени „Socios.com“, јавува Ројтерс.
Со ова аргентинскиот фудбалер станува следниот славен спортист кој се вклучува во крипто-светот по квотербекот Том Брејди и ѕвездата на Лос Анџелес лејкерс, Леброн Џејмс. Договорот кој Меси го потпиша со Пари Сен-Жермен минатото лето исто така вклучуваше дел од сумата во критповалути.
Меси ќе биде „амбасадор“ на компанијата и во тригодишниот договор не се вклучени исплати во криптовалути. „Социос“ е компанија која има договори со повеќе од 130 спортски клубови, вклучувајќи ги Пари Сен-Жермен, Барселона, Јувентус и Манчестер сити.
Фан-токените, пак, се посебен тип на криптовалути со кои фановите ќе имаат мало влијание на одлуките на нивните омилени клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал го доби евролигашкото „Ел класико“ за финале на Евролигата!

Реал Мадрид со 86:83 ја совлада Барселона во второто полуфинале од Евролигата во Белград, за слатка одмазда на тимот на Пабло Ласо и обезбедување на големо финале против актуелниот шампион, Анадолу Ефес, кој претходно во драма беше подобар од Олимпијакос.
„Кралевите“ имаа лоша серија од пет порази едноподруго од Барселона, за да им се одмаздат во најважниот меч од сезоната, и тоа откако тимот на Шарунас Јасикевичиус имаше и двоцифрена предност во мечот. Ова е прво финале за „кралевите“ по освојувањето на титулата во 2018 година.
Барса имаше серија од 9-0 во втората четвртина за да поведе со 43:33 пред полувремето, но Реал се врати со 26:11 во третата четвртина, предводени од Серхио Љуљ и Фабиен Касер. Николас Лапровитола ги врати Барса во игра со две тројки во низа за на три минути пред крајот, Реал да има два поени предност (73:75). Мечот влезе во неизвесна завршниц, пред Љуљ да ја осигура победата. Касер заврши со 18 поени за Рел, Јабуселе имаше 18 поени и 8 скока, а Љуљ заврши со 15 поени. За Барса не беше доволна фантастичната партија на Никола Миротиќ со 26 поени, 12 скока и 5 асистенции.
Финалето се игра во сабота во 18 часот.
Спорт
Евертон со луд камбек до победа над Палас и обезбедување на опстанок!

Евертон сигурно нема да биде второлигаш следната сезона. Навивачите на славниот ливерпулски клуб можат да здивнат по вечерната драма, во која тимот на Френк Лампард се врати од 0:2 негатива по 36 минути игра, за да стигне до драматична 3:2 победа над Кристал палас, со што се одвоија од Барнли и Лидс, двата клуба кои во последното коло ќе се обидат да избегнат преселба во понизок ранг.
Мечот на „Гудисон“ не почна најдобро за Евертон – Жан-Филип Матета во 21. минута ги донесе гостите во водство, за ветеранот Џордан Ају во 36. минута да зголеми на 0:2. Но, „карамелите“ не се предадоа – Мајкл Кин во 54. минута намали на 1:2, Ришарлисон во 75. минута израмни на 2:2, пред Доминик Калверт-Луин во 85. минута да го постигне победничкиот гол, предизвикувајќи кратка инвазија на теренот на навивачите на Евертон.
ПРЕМИЕРЛИГА
Евертон – Кристал палас 3:2
Астон вила – Барнли
Челси – Лестер 1:1
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));
Спорт
Титулата од ЛШ останува сон за ПСЖ по колапсот против Кил!

Сонот на Пари Сен-Жермен за прва титула од Лигата на шампионите ќе остане само сон барем уште една сезона, откако тимот на поранешниот тренер на Вардар, Раул Гонзалес доживеа „колапс“ на гостувањето кај Кил и загуби со 33:32.
Кил требаше да го запечати местото на Ф4 во Келн уште во првиот меч, кога ПСЖ спасуваше реми (30:30) во последните минути од мечот, но имаа одлично отварање на мечот, поведувајќи од првата минута, за да отидат на одмор со два гола предност (17:19), користејќи ја слабата форма на Никлас Ландин, кој имаше само една одбрана по 24 минути игра.
Меѓутоа, во второто полувреме, Кил направија камбек предводени од Домагој Дувњак и Магнус Ландин Јакобсен да стигнат до 26:23 водство. ПСЖ успеа да ја врати рамнотежата
Ландин Јакобсен заврши со 7 гола за бундеслигашот, по шест имаа Харалд Реинкинд и Патрик Винцек, додека за ПСЖ, Недим Ремили имаше 8, а Камил Сипжак заврши со 7.
ЕХФ ЛИГА НА ШАМПИОНИ, 1/4 ФИНАЛЕ
Кил – Пари Сен-Жермен 33:32 (17:19), прв меч 30:30
Барселона – Флензбург 27:24 (10:10), прв меч 29:33
Вчера играа:
Алборг – Веспрем 31:30 (20:21), прв меч 29:36
Кјелце – Монпелје 30:22 (15:8), прв меч 31:28