Спорт
Меси: Време беше светскиот трофеј да се врати во Јужна Америка
Капитенот на репрезентацијата на Аргентина, Лионел Меси изјави дека со триумфот на Светското првенство во Катар освоил се што можел. Тој додаде дека време било една јужноамериканска репрезентација повторно да стане светски шампион.
На церемонијата „Ноќ на ѕвездите“, која се одржа во Асунсион, Парагвај, во седиштето на Јужноамериканската фудбалска конфедерација (Конмебол), беше прославена светската титула која Аргентина ја освои во Катар во декември, а статуата на Меси во природна големина. беше откриена во „Музејот на фудбалот Конмебол“.
Статуата ќе биде поставена покрај статуите кои претходно го добија легендите на светскиот фудбал Пеле и Диего Марадона.
„Време беше една јужноамериканска репрезентација повторно да стане светски шампион“, изјави Меси во присуство на 25 играчи на неговата репрезентација кои емотивно ја доживеаја прославата.
„Тоа е она што ми недостасуваше. Исполнет сум. Успеав да освојам се што може да се освои во фудбалот. Благодарен сум на моите соиграчи за овој прекрасен подарок што ми го дадоа. Сега морам да ги искористам предносте и без оглед на се да останам фудбалер“, рече Меси, кој досега има играно на пет светски првенства.
Претседателот на Конбебол, Алехандро Домингез, на Меси му подари реплика на трофејот на Светското првенство и стап, кој го претставува „лидерот и водичот на светскиот фудбал“. Исто така, Меси доби и реплика на трофејот Финалисима освоен против европскиот шампион Италија.
Минијатурни копии на трофеи од Светското првенство и од Купот на Америка во 2021 година добија и селекторот Лионел Скалони и другите репрезентативци.
Во видеото генерирано од вештачка интелигенција, емитувано на церемонијата, Пеле и Марадона зборуваа за извонредните таленти на Меси.
„Покрај сета наклонетост што ја добиваме, сè уште не сме свесни што значи да се биде светски шампион“, додаде Меси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Олимпијакос е финалист во Конференциската лига, за трофејот ќе игра против Фиорентина
Ривал на Фиорентина во финалето на Конференциската лига ќе биде Олимпијакос. Црвено-белиот тим ја совлада Астон Вила со 2:0 во реваншот од полуфиналето во Пиреја.
Грчкиот тим се пласираше во првото финале во натпреварување организирано од УЕФА, благодарение на Ајуб Ел Каби, кој погоди двапати во 11. и 79. минута. Репрезентативецот на Мароко во двата натпревари против Астон Вила постигна пет од шестте голови на Олимпијакос.
Домашните брзо поведоа пред своите гледачи, во 11.минута Ел Каби го прифати додавањето во шеснаесетникот, брзо реагираше и упати удар кој заврши во долниот десен агол.
Со оглед на тоа што грчкиот тим имаше 4:2 од првиот натпревар, овој резултат им одеше во прилог во текот на целиот натпревар. За нов гол се чекаше до 79.минута и повторно стрелец беше Ел Каби.
Олимпијакос за трофејот ќе се борис со ланскиот финалист Фиорентина. Финалето ќе се игра на 29.мај, на стадионот на АЕК во Атина.
Спорт
(Видео) Непобедливиот Баер израмни во 97.минута, во финалето со Аталанта
Баер Леверкузен и Аталанта ќе се борат за трофејот во Лига Европа. Вечерва, Аталанта постигна историски успех, се пласира во своето прво европско финале, откако во ревашот го победи Марсеј со 3:0. Баер ја продолжи серијата без пораз, урна рекорд стар 59 години, откако уште еднаш на волшебен начин избегна пораз. До 82.минута новиот шампион на германија губеше од Рома 0:2, на крајот со голот на Станишиќ во 97.минута избори реми 2:2. Баер нема пораз на 49 натпревар во низа.
Баер во Леверкузен доминираше против Рома, но до 82.минута не успеа да го совлада одличниот Миле Свилар кој натпреварот го заврши со 12 одбрани. Рома успеа да ја наулира негативата од првиот меч, два пати од белата точка погоди Паредес, откако аматерски пебали направија Та во 43. и Хложек во 66.минута.
Во 82.минута Манчини си постигна авто-гол, а на истекот на 97.минута Станишиќ ги постави конечните 2:2.
Баер се избори за првото европско финале по пауза од 22 години, кога играше финале во Лигата на шампионите.
Во Бергамо, Аталанта го прегази Олимпик Марсеј. По првиот меч резултатот беше 1:1, а во реваншот Аталанта славеше со 3:0. Стрелци на головите беа Лукман во 30., Руџери во 52. и Туре во 85.минута.
Финалниот натпревар во Лига Европа ќе се одигра на 22 мај во Даблин.
Спорт
Феликс во голем проблем, за Барса непотребен, во Атлетико непожелен
Жоао Феликс на лето би можел да се најде во нов проблем, Барселона не е подготвена да го купи, додека во Атлетико Мадрид никој не сака да се врати.
Извори од Мадрид денеска пишуваат дека Диего Симеоне јасно им ставил до знаење на раководството дека преговара или со Барселона или со кој било друг клуб за продажба или нова позајмица на Португалецот. Но, за прв пат се додава и дека ниту неговите соиграчи не сакаат тој да се врати во својот тим и во соблекувалната.
Очигледно, на ниту еден од играчите не му се допадна што Жоао Феликс прослави гол против нив и патем, навивачите прилично го замразеа поради тоа.
На играчите им е доста од неговото недолично однесување, веруваат дека не се вклопува во тимот и дека е премногу егоцентричен и дека и со своите квалитети не прави разлика на теренот.
Инаку, Атлетико Мадрид постави цена од 60 милиони евра, но Барселона нема намера да плати толку. Дополнително, Чави Ернандез изјави дека на позицијата лево крило повеќе би сакал Дани Олмо и Никo Вилијамс.